文興記

营业中

休息中

西湾河虽然多嘢食，但冇乜边间话好食，又感觉干净；不约而同听到几个朋友讲文兴记新舖好好食，喺西湾河太祥街，近太古城边边，新楼盘隔离；个新嚟嘅厨师做开上海菜式，所以有几味新款上海菜；咁啱有一晚又谂唔到食乜，就去买个外卖试下喇。⭐️⭐️⭐️⭐️⭐️花雕鸡髀：正到冇朋友，我最怕食鸡胸，佢就啱哂我，全脾又冇骨，劲入味，睇佢细细盒，但因为全部都系肉，所以好够食，我个人觉得系必食之选。⭐️⭐️⭐️⭐️香茅猪扒：唔讲嘢食，净系睇厨师好细心地炸嘢，再加埋佢用食物盒前，放张隔油纸先放炸物，同埋会切到一口一啖，又冇肥肉，里个对我嚟讲，系绝对感动；嘢食放面， 炸到金黄适中，松软味道够，食落唔油腻，美中不足系，因为我用嚟𩠌饭，冇汁，就有少少干，但本身件猪扒系唔干嘅，用嚟𩠌酒或当小食或汤面，我相信会好好多。⭐️⭐️⭐️⭐️浓汤浸津白：上汤好清甜，唔似有味精，津白系即煮，所以时间长啲，仲有好多蒜头同冬菇片，仲超大碗，如果细碗少少，平少少，会更加好。总括：我觉得几样都好好味，价钱ok喇，似家常便饭，可以再去试其他。但我建议，最好打电话落order先，唔驶等咁耐。