悅滿軒

朋友介绍我，早少少黎行饶宗颐文化馆，感受下文化气息，之后再黎悦满轩食法国菜。店内用了蓝白设计，舒适宁静。员工好细心，见我朋友饮水既时候少少浊亲，好快手咁递上纸巾。食物方面，份量都唔少，摆盘赏心悦目，色香味俱全。自家制面包-外脆内软，一d都唔硬，面包入面有香草同蕃茄干，又香又惹味。洋葱薯仔汤-香浓幼滑，啱晒沾面包。香煎鹅肝配自家制鸭批-鹅肝外脆内软，配无花果莎莎，中和左油腻感，鸭批质地实净，唔会散修修。烤澳洲龙虾尾配海胆烩意大利饭-海胆味浓，够creamy，龙虾尾超级鲜甜，好好吃！宝云酥焗西班牙伊比利亚羊扒配自家制羊肉肠-羊扒好大件，羊肉肠超浓羊肉味，羊肉控唔好错过。炒杂菌-用蒜蓉炒得都几惹味。焗酥皮苹果卷配云呢拿雪糕-热辣辣既苹果卷同冻冰冰既雪糕可以话系绝配。