影片
更多
2020-12-18
726 浏览
小编之前book咗MO嘅staycation庆祝纪念日，呢个package非常抵玩，$2269包咗自助早餐、三道菜晚餐、市区景观客房同加一服务费，呢个价钱对于老牌五星级酒店真系抵玩😆酒店除咗准备welcome drink 🍸 仲准备咗一盒朱古力俾我哋庆祝纪念日，服务非常贴心🥰三道菜晚餐系喺Cafe Causette 度享用，环境同餐具都比较似自助餐形式嘅餐厅，但系侍应真系超级有礼貌👍🏻🧚🏻♀️餐前面包配牛油及意式青酱文华酒店嘅饼房远近驰名，但系呢份餐前面包真系令人有啲失望☹️面包只系微暖，温度唔足以融化牛油🧈而且食落都觉得一般，唔太食到面包嘅香味🍞🧚🏻♀️文华龙虾汤作为文华嘅招牌菜之一，呢碗龙虾汤真系名不虚传🦞侍应一摆低已经闻到扑鼻而来嘅龙虾味，汤品上面有一层薄薄嘅忌廉，味道鲜香浓烈，比起就咁食十只龙虾仲要重龙虾味，质感幼滑细腻，浓稠度同咸度都适中，每一啖都有龙虾肉，仲散发淡淡的酒香🤤👍🏻👍🏻👍🏻👍🏻🧚🏻♀️安格斯肉眼配法式香草牛油伴薯条240克食完前菜都过咗好耐先上主菜，不过侍应都主动同我哋道歉咗两次。肉眼我地拣咗五成熟，但系食落似七成熟以上🥩切开中间都只系勉强见到少少粉红色，而且口感
小编之前book咗MO嘅staycation庆祝纪念日，呢个package非常抵玩，$2269包咗自助早餐、三道菜晚餐、市区景观客房同加一服务费，呢个价钱对于老牌五星级酒店真系抵玩😆酒店除咗准备welcome drink 🍸 仲准备咗一盒朱古力俾我哋庆祝纪念日，服务非常贴心🥰三道菜晚餐系喺Cafe Causette 度享用，环境同餐具都比较似自助餐形式嘅餐厅，但系侍应真系超级有礼貌👍🏻
🧚🏻♀️餐前面包配牛油及意式青酱
文华酒店嘅饼房远近驰名，但系呢份餐前面包真系令人有啲失望☹️面包只系微暖，温度唔足以融化牛油🧈而且食落都觉得一般，唔太食到面包嘅香味🍞
🧚🏻♀️文华龙虾汤
作为文华嘅招牌菜之一，呢碗龙虾汤真系名不虚传🦞侍应一摆低已经闻到扑鼻而来嘅龙虾味，汤品上面有一层薄薄嘅忌廉，味道鲜香浓烈，比起就咁食十只龙虾仲要重龙虾味，质感幼滑细腻，浓稠度同咸度都适中，每一啖都有龙虾肉，仲散发淡淡的酒香🤤👍🏻👍🏻👍🏻👍🏻
🧚🏻♀️安格斯肉眼配法式香草牛油伴薯条240克
食完前菜都过咗好耐先上主菜，不过侍应都主动同我哋道歉咗两次。肉眼我地拣咗五成熟，但系食落似七成熟以上🥩切开中间都只系勉强见到少少粉红色，而且口感比较韧，不过调味都唔错，牛味浓郁，但真系煎得太熟😭薯条就比较中规中矩🍟
🧚🏻♀️松子香菇宽扁面配巴马臣忌廉
呢个面比我地想像中出色好多😋虽然配料冇任何肉类，但系香菇独特嘅香味同鲜甜真系太特出🍄加埋忌廉简直系集香、滑、浓厚于一身，仲有松子增加口感🤤虽然我食到最后有少少腻，但小编觉得佢比牛排好食好多🤨
🧚🏻♀️1963文华芝士饼伴蓝莓果酱
文华芝士饼真系好出名，竟然包埋喺呢个set入面！呢件芝士饼首创于1963年，以年份命名系展示佢嘅历史悠久🍰芝士饼并无饼底，蓝莓果酱则另外呈上，但单食芝士饼完全唔觉得滞，芝士味浓，口感顺滑，蓝莓果酱唔假甜，微微嘅酸味同芝士味好衬🤤成件芝士饼唔会过甜、过浓、过实，所有口感味道都啱啱好😋😋😋
🧚🏻♀️柠檬柚子慕斯
对比芝士蛋糕，呢杯Mousse就显得非常普通。不过都食得出入面嘅水果味道新鲜清新，层次亦比芝士饼丰富，作出解腻都唔错🍨
整个晚餐体验都唔错，有文华作标志性嘅菜式真系好出色，但块牛扒真系好失望😞第二朝我哋拣咗去快船廊食自助早餐，整体食物都系较为普通，而且对佢哋嘅面包出品都系略为失望，可能系期望太高🧐
不过都系几满足今次嘅staycation，遇到嘅所有Staff服务态度都好亲切有礼👍🏻客房入面好多细节都做得好好，仲特别手写咗张卡仔祝我地纪念日快乐🥰完全体现到五星级酒店嘅应有水准👍🏻👍🏻👍🏻
味道：7.5/10
环境：8/10
CP值：8/10
温馨提示💁🏻♀️疫情严重，请注意唔同酒店嘅取消政策。
张贴
