影片
更多
2021-10-09
11127 浏览
今次拣左去香港文华东方酒店Staycation，系酒店网站直接预订，包客房1晚，双人早餐同双人Cafe Causette晚餐，周五入住，总数大概$2500。双人早餐可以拣去快船廊食自助早餐，或者Cafe Causette食套餐。当然要拣快船廊啦。呢度早餐无限时间，一齐睇下有咩食啦！快船廊呈L型，食物区要经过好多座位先入到去。首先见到系中式食品，分别有生炒牛肉饭，炒杂菜。炒杂菜有四季豆，西兰花同椰菜花。四季豆质素唔错，而西兰花同椰菜花就过咸。中式食品当然有点心，种类繁多，有素菜饺，花卷，奶黄包，叉烧包，鸡肉饺，牛肉烧卖，虾饺，猪肉烧卖。虾饺既虾肉馅新鲜爽脆，不过饺皮较厚猪肉烧卖既馅都唔错素菜饺既馅味道都唔错，饺皮都系较厚以自助餐黎讲，点心质素算唔错。点心隔离有白粥，鸡肉粥，同中式油条。自助餐区中间有谷物同奶。谷物有5款，包括葡萄麦维，原味香脆麦米片，玉米片，卜卜米，果仁水果纤壳脆。奶类多到吓死人，有全脂牛奶，脱脂牛奶，豆奶，连杏仁奶同燕麦奶都有。杏仁奶味道唔浓，燕麦奶好饮！隔离有什锦果麦，原味乳酪，低脂乳酪，要自己笔，种类偏少。上面有罂粟籽，菠萝蜜饯，芒果干，桃蜜饯，南瓜籽，西梅蜜饯比你
双人早餐可以拣去快船廊食自助早餐，或者Cafe Causette食套餐。当然要拣快船廊啦。
呢度早餐无限时间，一齐睇下有咩食啦！
快船廊呈L型，食物区要经过好多座位先入到去。
首先见到系中式食品，分别有生炒牛肉饭，炒杂菜。
炒杂菜有四季豆，西兰花同椰菜花。四季豆质素唔错，而西兰花同椰菜花就过咸。
点心
98 浏览
0 赞好
0 留言
中式食品当然有点心，种类繁多，有素菜饺，花卷，奶黄包，叉烧包，鸡肉饺，牛肉烧卖，虾饺，猪肉烧卖。
猪肉烧卖，虾饺
98 浏览
1 赞好
0 留言
虾饺既虾肉馅新鲜爽脆，不过饺皮较厚
猪肉烧卖既馅都唔错
素菜饺既馅味道都唔错，饺皮都系较厚
以自助餐黎讲，点心质素算唔错。
点心隔离有白粥，鸡肉粥，同中式油条。
自助餐区中间有谷物同奶。谷物有5款，包括葡萄麦维，原味香脆麦米片，玉米片，卜卜米，果仁水果纤壳脆。奶类多到吓死人，有全脂牛奶，脱脂牛奶，豆奶，连杏仁奶同燕麦奶都有。杏仁奶味道唔浓，燕麦奶好饮！
隔离有什锦果麦，原味乳酪，低脂乳酪，要自己笔，种类偏少。上面有罂粟籽，菠萝蜜饯，芒果干，桃蜜饯，南瓜籽，西梅蜜饯比你加落乳酪度。南瓜籽颇新鲜。
水果
56 浏览
0 赞好
0 留言
对面就系水果，水果有菠萝，木瓜，蜜瓜，西瓜，同鲜杂果沙律（偶然有蓝莓同士多啤梨系入面，不过得少量）。最正系有熟透既香甜木瓜，少见！
芝士有3款，分别系Saint Albray，Brie同Emmental。Saint Albray同Brie都好味。
洋葱猪肉煎包，姜葱蒸盲𫚧鱼
45 浏览
1 赞好
0 留言
隔离就系另一个热食区，主要系西式热食。中式热食有洋葱猪肉煎包，姜葱蒸盲𫚧鱼。
炒蘑菇，姜葱蒸盲𫚧鱼，肉饼，烤番茄
41 浏览
0 赞好
0 留言
自助早餐居然有姜葱蒸盲𫚧鱼简直令人相当惊喜，而质素好唔错，啖啖肉又无骨头，我不断encore，餐厅都不断补充！
西式热食有日式牛肉薯饼，炸春卷，香脆烟肉，加拿大烟肉，伴茄汁同甜辣椒酱。另外都有烤番茄，炒蘑菇，西班牙辣肉肠，文华肠。
日式牛肉薯饼系冻既
烤番茄多汁，炒蘑菇正常
西班牙辣肉肠同文华肠就麻麻
隔离有师傅即制奄列，配料有芝士，灯笼椒，菇，洋葱，火腿，番茄。我要求整得无需太熟，师傅又真系整得有蛋汁，不过落得唔够芝士。都可以要求煎蛋，亦有烚蛋。
即制奄列隔离有即制粉面，包括幼面，油面，米粉。配料有云吞，饺子，牛丸，鱼蛋，牛腩，芥兰，生菜。
粉面
35 浏览
0 赞好
0 留言
粉面
41 浏览
0 赞好
0 留言
云吞真系顶呱呱，皮薄馅正，虾肉爽口新鲜，必食！
云吞，牛丸
44 浏览
0 赞好
0 留言
云吞面既幼面都整得非常弹牙，而芥兰都好翠绿鲜甜。
云吞面
31 浏览
0 赞好
0 留言
即制粉面隔离有我从未见过既Meatloaf肉饼，原来系好似午餐肉既肉，都唔错。
隔离既角落就系麦片，大大既counter得1款麦片，何其孤独。
另外一边就有多款果汁，包括芒果汁，士多啤梨汁，西柚汁，橙汁，番石榴汁，西瓜汁。
果汁
17 浏览
0 赞好
0 留言
好少有自助早餐有多款果汁拣，连士多啤梨汁同芒果汁都有，而味道仲要系好好饮，特别系士多啤梨汁！
果汁隔离系冻肉，有Coppa，Salami，烟吞拿鱼，烟三文鱼。烟三文鱼同Coppa正常，烟吞拿鱼少见而味道唔错。
冻肉隔离又有大大支鲜奶，Still Water，Sparkling Water，同脱脂奶。点解又要放奶呢？第二度已经有。
最角落就系沙律吧，沙律菜有3款，沙律酱有4款，配料有粟米粒，青瓜片，车厘茄，腌青瓜，鹰嘴豆。选择就唔算多，质素正常。
面包糕点
29 浏览
0 赞好
0 留言
最后就系面包糕点。面包糕点包括班戟，窝夫，法式西多士，士多啤梨果酱甜甜圈，甜甜圈，迷你松饼，牛角包，法包，软包，各款酥饼。伴有花生酱，果酱，枫糖浆，糖霜。
本身对文华出品既面包糕点都有期望，点知最出名既士多啤梨果酱甜甜圈居然都好麻麻地，虽然入面既士多啤梨果酱多到泻，可惜个包平平无奇，而且完全冻左，同我之前食差好远。普通甜甜圈就更加普通。花生酱窝夫都系冻既，不过都食得落口，厚身不过都有少少脆口。
冻朱古力
26 浏览
0 赞好
0 留言
餐饮居然包冻朱古力，叫左两杯要脱脂奶。冻朱古力好饮兼邪恶，本身已经饱，饮完更加饱！
老实讲，野食款式唔算多，不过某几个惊喜位令人都感到满意，个人特别钟意呢度有平日自助早餐好少见嘅姜葱蒸盲𫚧鱼，而且云吞质素好高，果汁选择多又好饮，仲有木瓜同燕麦奶。不过下次会难d有兴趣再encore。
环境唔错，踏入10月份，装饰已经换哂Halloween嘅南瓜装饰。虽然枱与枱之间比较迫，不过我哋张枱靠窗睇到风景又有屏风隔住，感觉都尚算有私稳度。8点前入座唔洗等位，走𠮶阵时差唔多10点仲有几个人等紧位。服务员虽然忙碌，不过态度系五星酒店水准。
张贴
