影片
更多
2020-06-08
390 浏览
同几个好耐冇见嘅中同食返个饭，拣左喺The Mills 南丰纱厂地下嘅依间cafe小弟就算不时返黎荃湾食饭都好，其实都系第一次行到The Mills咁偏僻特登黎食个饭，相信最主要原因系单身毒L对依边嘅打卡位唔太有兴趣。但今次友人叫到话过黎食，就揾到依间唔少好评嘅餐厅黎试下。患有严重选择困难症嘅小弟因为疫情关系废事share黎食，几经辛苦终于拣到Poultry Lover黎食，而依段时间嘅Poultry Lover就系慢煮鸭腿配食用花、藜麦(仲有其他配菜嘅，不过由于冇影menu嘅关系，已经唔记得左其他配菜系咩喇)先讲友人拣左嘅Meat Lover同Beef Lover，分别系厚切炸猪扒配竹炭面包同埋慢煮牛脸颊肉配意大利饭(冇影相，敬请见谅)，友人嘅feedback都唔错，慢煮牛脸颊肉非常腍，而且我眼见都系成3,4大块，都算抵食。而厚切炸猪扒配竹炭面包嘅份量更夸张，有2份三文治咁，而每份嘅面积都有15*10cm，十分抵食。小弟拣嘅Poultry Lover就要等一阵先上枱一上枱个样其实小弟都有少少surprise，点解个份量好似少过友人𠮶D咁多嘅然后友人都忍唔住问我，不如切D佢地嘅俾我试下
小弟就算不时返黎荃湾食饭都好，其实都系第一次行到The Mills咁偏僻特登黎食个饭，相信最主要原因系单身毒L对依边嘅打卡位唔太有兴趣。
但今次友人叫到话过黎食，就揾到依间唔少好评嘅餐厅黎试下。
患有严重选择困难症嘅小弟因为疫情关系废事share黎食，几经辛苦终于拣到Poultry Lover黎食，而依段时间嘅Poultry Lover就系慢煮鸭腿配食用花、藜麦(仲有其他配菜嘅，不过由于冇影menu嘅关系，已经唔记得左其他配菜系咩喇)
先讲友人拣左嘅Meat Lover同Beef Lover，分别系厚切炸猪扒配竹炭面包同埋慢煮牛脸颊肉配意大利饭(冇影相，敬请见谅)，友人嘅feedback都唔错，慢煮牛脸颊肉非常腍，而且我眼见都系成3,4大块，都算抵食。而厚切炸猪扒配竹炭面包嘅份量更夸张，有2份三文治咁，而每份嘅面积都有15*10cm，十分抵食。
小弟拣嘅Poultry Lover就要等一阵先上枱
一上枱个样其实小弟都有少少surprise，点解个份量好似少过友人𠮶D咁多嘅
然后友人都忍唔住问我，不如切D佢地嘅俾我试下，佢地应该系惊我唔够饱，但明明我就好细食嘅
返返正题，睇落个portion细都系要照食嫁啦，希望好食搭够啦
鸭脾切落去嘅手感唔算太腍，唔系好似友人点嘅牛脸颊肉咁，食落味道亦有少少咸，夹返个酱汁加返少少甜味同果香，同时鸭香味好浓，切左D分俾友人食，佢地亦都觉得最好食系我依个鸭腿
配菜有:
食用花(食落冇咩特别，相信只系用黎整靓道菜，同时亦系餐厅主打)
藜麦，份量唔多，但食落易入口都几好食
题外话/补充资料：
Menu都有唔少甜品同野饮选择，可惜晚餐小弟又怕饮咖啡会训唔著所以冇叫
店内侍应3位都系女生，再加上清静人流，环境舒适，赏心悦目
甜品柜上面有个旋转永动仪，搞到我全程目光不停咁望住个仪，如果一个人黎的话应该可以望住个仪放空10分钟
(以上食记乃用户个人意见 , 并不代表OpenRice之观点。)
张贴
