Dozy

营业中

休息中

深水埗开咁多Cafe，身为半个深水埗人，冇理由唔拜访一下，今日就拣咗呢间位于基隆街嘅Dozy，装修主要用上水泥原色，充满型格工业风。蟹籽蟹肉配柠檬刁草酱三文治配有沙律菜伴碟，净系卖相已经攞满分。内有厚厚嘅蟹籽同蟹肉，配合埋柠檬刁草酱，味道真系甚有惊喜。三文治上放有食用花，令摆盆好有一片风光明媚嘅感觉。另外仲拣咗慢煮香草鸡扒牛油果酱意粉，慢煮嘅鸡扒真系好嫩滑，基本上系唔需要用刀都可以将鸡肉切开，配埋牛油果酱真系好好味。Flat White有好丰盈嘅奶泡，奶味又香又重，而且咖啡拉花都拉得好靓。Jasmine Green Tea就有一大樽，冰冻嘅茉莉茶仍然有扑鼻嘅茶香，最啱夏天饮用。最后就拣咗Tofu Cheesecake，我个人好喜欢豆腐芝士饼，因为带有浓浓豆香嘅芝士饼，完全减却咗传统芝士饼嘅油腻感，绝对值得一赞。