長洲冰室

营业中

休息中

长洲近年开左好多间文青cafe小店，长洲冰室就系其中一间。一开头都系俾佢个装修吸引左，白色既墙身加埋云石枱真系几靓，岩哂打卡！佢个地点都好方便，系码头行过去都系十分钟内，食完仲可以沿住条路行去沙滩散下步。上次试左个泰式奶茶三色圆剉冰，今次就见天气冻冻地，叫左个热既椰皇汤圆三色圆炖奶，奶味好浓，汤圆同芋圆都好q，有咬口，不过整体黎讲我就觉得甜左小小啦！奶味太出，有少少抢左其他野既味。不过冰室有最低消费，每个人要点一个甜品或一杯饮品。虽然甜品款式好多，但对于系长洲不断食既我，真系好难食得囇成个炖奶，食完真系好饱。由于价钱都唔算好平，如果两个人黎，又静系想浅尝既，可以叫一个甜品加杯野饮，食完都可以继续食其他野。