flow

营业中

休息中

深水埗越黎越多精品咖啡店，每个月都有新开嘅咖啡店登场。假日黎到呢间转角咖啡店门口已经见到人龙排队，我哋都排咗几个字。里面座位唔算多，多数系二人枱／吧枱，多人就真系难d安排。🤗门口有个文青风打卡位可以影相。😍咖啡豆都有多种选择，menu都会标明咖啡豆黎自边间烘培室同产地，可以慢慢拣。［iced hand drip bolivia＄70］📌8分咖啡豆黎自本地烘焙室craft coffee roaster。呢度特色系大旧冰砖溶得慢D又可保留咖啡原味，好似饮威士忌甘。bolivia豆有果仁味道，朱古力味带微酸。［dirty］📌6.3分冻奶上加espresso on top，选择左传统D既日晒，饮落有微苦，唔知系咪挂住影相摊耐左，饮第一啖已经暖左，无左dirty冷热口感，而且个杯唔系透明，睇唔到咖啡融合牛奶既过程。🥺唔推荐！［玄米茶蛋卷＄45］📌6.8分蛋卷较甜，唔系好食到玄米茶味。食落好普通。［焙茶蛋卷＄50］📌7.5分呢个比起玄米茶蛋卷会浓味啲，加埋个焙茶酱流落黎嘅美感，打卡一流。呢间咖啡店应该主打手冲。牛奶咖啡用既豆都可以拣，唔同豆唔同价钱，大概$40-80一杯。