Labels Cafe + Bar (已結業)

荃湾南丰纱厂The Mills开幕以来，一直以全新文化艺术为主题，多地方设有不同艺术及画作欣赏，有多间本地创作嘅精品店，成个地方都充满工业风的文青打卡位。就连进驻的餐厅一样充满格调设计，特色文艺feel！今日我地去左Labels Cafe + Bar午餐，室内设计富创意及精致，好多地方都可以打卡，落地大窗下，光线充足，环境好舒适，仲可以带宠物添，好适合放假约返三五知己慢慢倾下，Relax下！餐厅主打Fusion菜，摆盘卖相，款款都好精美吸引，味道亦好唔错！每款午餐主食都配有沙律，好适合健康人士！我地拣左 明太子带子忌廉蘑菇意粉及是日沙律，明太子酱味道好香，带子亦好新鲜，仲要好足料，大大只！意粉同酱汁捞埋一齐，好有口感，亦好Creamy，有淡淡的香味，好有食欲。火箭菜帕尔马火腿蘑菇比萨及是日沙律Pizza薄身饼底，香脆松软，仲要劲多火箭菜，材料多，好俾货，食到好饱肚！车打芝士蘑菇酱牛肉汉堡配薯角及是日沙律手工面包外脆内软，唔似坊间的空气饱，好有麦香味。蘑菇酱加上车打芝士，配以厚实多汁的烤牛肉饼，口感丰富，味道正！