梔子

营业中

休息中

本身黎呢d文青cafe都唔会话对d野食有好高好高期望，但就系有呢种心态，所以今次就有惊喜啦～先讲cafe环境，门口有个类似d酒吧for人企喺度饮野既位，后尾知道左呢间cafe既店主系酒鬼，先明白呢个位既用途😆喺文青cafe饮酒，真系想像下都有趣，大家有兴趣可以试下夜晚去饮野，静静地岩哂倾计谈心成间cafe都行白色简约路线，感觉好舒服，再加埋一大埋木质摆设，完全系hea一个中午既好地方🙂至于食物，今次叫左个黑松露带子意粉，个汁好creamy，黑松露份量都够多，好香，再加埋d菇同两粒大带子，够哂两个人share最估唔到系个黑松露薯条，份量多到吓亲人😆系有一桶咁多！仲要系条条都好长又好粗！感觉食左十个薯仔！虽然系多，但系又唔会觉得好油腻，愈食愈停唔到口～不过个黑松露酱就有d稀，唔系太特别，就咁食薯条已经够饮品方面就无叫酒啦（虽然d手工啤酒几吸引），叫左杯iced tea同bananut（即系香蕉、椰汁、果仁加榛子），我就觉得普普通通啦，唔系特别impressive😆提示：最低消费系每人一个dish，一杯饮品喔