屋子生活 (已結業)

已经唔系第一次嚟呢间cafe，好中意呢度嘅环境。食野同时都可以透过落地玻璃望到外面的好天气，而且里面设计都好靓。另外，cafe亦不设用餐时间，可以慢慢同朋友影下相同倾计。星期六比较多人，今次就坐唔到榻榻米。可能都坐得比较近大门位置，未有凉到冷气。炭烤鸡块丼 $69鸡块份量较少，味道就系甜甜地，有啲似平时烧烤食到嘅鸡肉串。任何料理加$25就会有埋味噌汤、沙律及指定饮品。选择的抹绿奶茶与期望相符，味道都唔会太淡。小仓抹茶窝夫 (抹茶雪糕) $50成个甜品嘅造型摆盘都好靓，望落都非常有食欲。窝夫表面焗到脆脆地，红豆味道偏甜，夹埋抹茶雪糕一齐食就啱啱好啦。