Kubrick

营业中

休息中

今日难得要去油麻地返工，当然想嚟食返餐好嘅，又想得闲做下文青，所以今日就嚟咗油麻地百老汇电影中心嘅餐厅Kubrick一入嚟餐厅，基本上左手边就系书店，右手边就系餐厅嘅地方，感觉非常光鲜高雅，亦合适大家饮住咖啡嚟打书钉，什至嚟打卡。由于谂唔到食乜好，于是叫左个全日早餐。牛角酥嘅外皮非常香脆，外脆内软嘅感觉非常之好食。两条肠仔都有香草味，亦系脆皮肠，感觉唔错嘅。两块烟肉就有惊喜，因为煎得好脆身，同时冇乜肥肉感觉健康。不过煎蛋就比较失望，因为只系普通嘅荷包蛋。个餐仲有薯饼番茄同茄汁豆，呢啲表现正常啦。加钱要左个泡沫咖啡。咖啡味浓郁亦都顺口，加上靓靓嘅拉花，非常满意。不过食个早餐再加杯咖啡，就承惠148个大洋。