Ann Mamma Thai kitchen by 張秀玲

营业中

休息中

荃湾香车街街市附近开左间装修好文青feel嘅泰国餐厅，见佢装修咁靓梗系要试下啦，而家新开张，午餐减8蚊，由68至78蚊，有多款选择。我同朋友都不约而同拣左鸡扒木瓜沙律配白饭，送28蚊冷热饮品，佢拣左西柚泰国红茶，而我拣左青柠泰国红茶。大大杯红茶味浓，同香港饮开红茶比较深色及浓味，配合鲜青柠及西柚感觉清新，闷热全消。鸡扒鲜嫰美味，肉质嫰滑，配上甜酸酱美味可口，配埋大份量嘅青木瓜沙律，非常清新又唔涩口，为炎炎夏日带来开胃午餐，所以眼见枱枱都叫左呢个餐。跟餐加25蚊有芒果糯米饭，芒果大嚿又清甜，糯米饭混合了椰汁绿色的，又软又暖好好味。新开张已经爆满要等位，证明好食兼会回头吃。