影片
更多
2017-06-28
242 浏览
西班牙菜热潮停不了，早前到访红磡嘅「民泰四七」食晏，因为只喺食午餐，未能了解尽佢哋嘅实力，但已有点点意外惊喜。大角咀嘅「Cocina 3」更喺打正旗号卖西班牙菜，老友廖Sir牛一，揾佢食番餐贺一贺，工作关系，佢周游列国，可谓食唔少好嘢，所以，都唔敢拣间普通料嘅俾佢，食友推介俾我嘅「Cocina 3」相信应该满足到佢。整间餐厅装修好有特色，唔止摩登、型格，由入门口一刻，已经睇到唔少心思位。就好似门面以啡黄色理石砌成，有无一种酒窖或地库入口嘅感觉呢！入到去，望番转头，原先晌门口沉沉灰灰嘅玻璃被商场嘅灯光照一照，变得吸晴，犹如教堂常见嘅彩色玻璃，立时有份古典气息。就晌门口位横扫一下整个餐厅环境，火辣鲜红嘅梳化椅，即时想起嘅有斗牛、蕃茄节。而高楼底嘅空间，偌大嘅用餐区，阔落嘅通道空间，精心布置嘅灯光，一一都令人感到轻松、舒服。讲到斗牛，天花之上犹如太空飞船嘅艺术装置，有9分似牛头形状，喺咪就表示出呢个西班牙嘅国技呢！走到餐厅尾，可以讲喺酒吧区，多组高脚枱櫈，嚟轻酌就最好不过。虽然有定性为酒吧，但音乐并未太嘈吵而影响客人倾谈。环境设计花咗好多心思，就连餐牌都喺，第一眼真喺望唔出乜嘢，但老友劲，果
整间餐厅装修好有特色，唔止摩登、型格，由入门口一刻，已经睇到唔少心思位。就好似门面以啡黄色理石砌成，有无一种酒窖或地库入口嘅感觉呢！入到去，望番转头，原先晌门口沉沉灰灰嘅玻璃被商场嘅灯光照一照，变得吸晴，犹如教堂常见嘅彩色玻璃，立时有份古典气息。
就晌门口位横扫一下整个餐厅环境，火辣鲜红嘅梳化椅，即时想起嘅有斗牛、蕃茄节。而高楼底嘅空间，偌大嘅用餐区，阔落嘅通道空间，精心布置嘅灯光，一一都令人感到轻松、舒服。
讲到斗牛，天花之上犹如太空飞船嘅艺术装置，有9分似牛头形状，喺咪就表示出呢个西班牙嘅国技呢！
走到餐厅尾，可以讲喺酒吧区，多组高脚枱櫈，嚟轻酌就最好不过。虽然有定性为酒吧，但音乐并未太嘈吵而影响客人倾谈。
环境设计花咗好多心思，就连餐牌都喺，第一眼真喺望唔出乜嘢，但老友劲，果然喺周游列国，认出封面画有西班牙国花「石榴花」，如将本餐牌做西班牙国家地形就一绝喇！
菜式方面，沙律、西班牙小食、薄饼、石烧牛扒及海鲜、主菜、火腿冷盘、拼盘及甜品，餐牌印刷精美，部份菜式更附有图片作参考。
而饮品方面，一张喺餐酒餐牌，另一张喺啤酒、烈酒、果汁、汽水都有嘅餐牌，价钱一栏分咗非欢乐时光（N.H.）及欢乐时光（H.H.）,唔使多讲，都喺后者会平啲。
饮酒其实我哋两个都唔多好，不过，轻度酒精嘅Apple Cider就啱口味啲，而餐厅提供Strongbow品牌嘅「仙地」，啱啱好有两款，正正可以各点一杯细尝。
Strongbow Gold Apple $46（欢乐时光价）原支奉上，并由店长帮忙倒埋入杯，色泽金黄剔透，友人话佢杯Gold Apple有点果香味，似喺青苹果嘅果香，又有种悠长嘅甘苦味，酒精度低，冰凉爽口，极易入口。碰碰杯，顺祝老友生日快乐。
Strongbow Elderflower $46（欢乐时光价）小弟就拣另一款，由于无试过友人杯Gold Apple，所以，无从对比，唯一明显嘅分别喺我杯Elderflower色泽较浅，但喺咪有接骨木花味，恕小弟见识少，真喺唔太识分，唔知接骨木花喺咩味，但细心嗒真啲，又似有点花香及青柠味。
既然嚟到西班牙餐厅，好难唔试佢啲西班牙小食Tapas，选择有近20款，普遍一客都喺6、70有交易，个别三几款先要过百，定价亲民。
西班牙炒辣肉肠 $62曾经晌西营盘嘅Chico Chica试过依一款菜式，最啱𩠌啤酒或冻饮，所以，点一客嚟一边食、一边倾。一客确喺有好多片，啲辣肉肠入口烟烟韧韧，极有咬口，渗出微微辣味，带点刺激，唔沾沙律酱仲正，老友既赞好食，又赞喺好介绍。
西班牙炒辣肉肠
$62
26 浏览
0 赞好
0 留言
西班牙香烧乳猪仔 $68乳猪仔做得精致，配搭见心思，以百吉包垫底，涂点沙律酱，加上青瓜片、乳猪件、车厘茄笃坐一串做成小食模样。百吉包烘过，所以好脆口，而乳猪件亦香脆可口，肉质软熟，带点油香；青瓜及沙律酱令到食起嚟无咁油腻，继续以我哋杯「苹果仙地」嚟衬，好夹。
西班牙香烧乳猪仔
$68
19 浏览
0 赞好
0 留言
马德里烩蓝蟹肉配香脆多士 $88第3道小食拣咗个烩蓝蟹肉，亦喺小弟是晚嘅重点推介，睇外观真喺好似好简单，但个蟹肉超好食，一来小锅内有好多丝丝蟹肉，兼有啲蟹膏在其中，二来烩得香浓好味，大羹大羹蟹肉搽上啲超脆口多士，美味到极。因为小锅份量唔细，单以4片多士都用唔晒啲蟹肉，所以，等阵叫咗个西班牙海鲜饭，仲可以将啲蟹肉加埋落去。
马德里烩蓝蟹肉配香脆多士
$88
26 浏览
0 赞好
0 留言
西班牙海鲜炒饭 $138如果嚟到西班牙餐厅唔食西班牙海鲜饭，就好似有啲若有所失咁。原本喺点一客西班牙海鲜炒饭，但店员见我哋得两个人，可以选半份，晚平咗，又唔怕食唔晒，当然好啦，不过，见餐厅无半份嘅选择，相信喺后期顺应顾客嘅要求而作出嘅改变。
因为喺半份开系，有别以成只大镬呈上咁有亮点，但咪睇份量似喺唔喺好大咁，但已经好够两个人食。饭粒炒得分明，以海鲜汤熬煮过，饭粒软硬适中又有咸鲜味，之后捞埋啲烩蓝蟹肉酱就更鲜香；饭内混满多种海鲜：蚬肉、大虾、青口，除咗只虾好弹牙鲜甜外，啲鱿鱼好好食，柔韧有咬口。
西班牙海鲜炒饭
$138
7 浏览
0 赞好
0 留言
张贴
