燒味滷師 (安發大廈)

营业中

休息中

星期日想斩料同屋企人食，见到呢间几抵食同几「市正」，所以叫咗几款烧味。至尊烧鹅 下庄 $120烧鹅几好卖，我五点去嘅时候话冇晒烧鹅，等到五点半先有。烧鹅份量都几多，好有鹅香味。新鲜出炉，拎返屋企仲暖身。食落都几多肉汁，加上外皮脆身，烧得几好。加埋啲酸梅酱，食落味道就更加丰富。下庄有烧鹅髀食🤓老师傅烧腩仔 $64/半斤烧腩仔唔韧，肥瘦适中，一层肥一层瘦，几靓。至于味道唔会好咸，脆皮脆卜卜，好香脆，够晒新鲜。另外会配芥末酱。客家盐焗鸡 $59/只盐焗鸡做特价，所以唔使$60就买到成只鸡，抵。盐焗鸡肉质白身，有阵阵咸香味，可以再配啲姜葱一齐食，会更惹味。烧味佬叉烧 $50/半斤叉烧半斤都几多，食落都几冧身，甜味比较重。如果边位可以烧得㶶啲就更加香口啦。