影片
更多
2018-03-06
24 浏览
是日惊螫，阿妈话要去打小人和还神。兵分两路，佢去海坛街𠮶边嘅天桥底揾人打小人 (打小人唔一定去鹅颈桥，深水埗都有的，当然无咁热闹啦)，我就帮佢去买烧味返佢屋企还神。阿妈指定我要呢间，因为佢帮衬开，响佢个朵之后，烧肉哥哥就会自动波拣啲好嘢俾我哋。我自己系第一次来呢间，原来呢间舖系双连舖。一边专斩烧味和煮粉面，仲见到啲街坊买烧味添，而另一边系茶记，真系多元化嘅食肆。见到啲烧味挂晒出来都觉得震撼，叉烧、乳猪、烧肉、豉油鸡、切鸡、烧鹅、烧鸭、乳鸽样样有，仲有卤水嘢俾人拣添。攞番张阿妈嘅锦囊字条出来睇睇，写住 “一条叉烧、两条烧腩、一只烧鹅肶、豉油鸡和切鸡半边嘅下桩”。我成张字条俾咗个靓姐睇，响埋阿妈个朵之后，靓姐就吩咐烧肉哥哥斩料。果然，正如舖名一样，快、靓、正! 好快就斩咗四盒靓嘢俾我，仲俾咗好多姜葱、酸梅酱、芥酱我添。我拎返去阿妈屋企，原来阿妈已经打完小人，准备还神。佢见到四盒靓嘢好开心，一睇就知系靓部位。不过，佢发现载著烧鹅肶𠮶盒唔多妥，原来，佢系要所用嘢免斩，样样嘢要拜完神先至自己去斩。不过，佢又话算啦，因为佢见到𠮶盒嘢唔单只有烧鹅肶，仲多咗几旧上肉，知道系舖送俾佢的。阿妈禀完一轮神之
阿妈指定我要呢间，因为佢帮衬开，响佢个朵之后，烧肉哥哥就会自动波拣啲好嘢俾我哋。
我自己系第一次来呢间，原来呢间舖系双连舖。一边专斩烧味和煮粉面，仲见到啲街坊买烧味添，而另一边系茶记，真系多元化嘅食肆。
见到啲烧味挂晒出来都觉得震撼，叉烧、乳猪、烧肉、豉油鸡、切鸡、烧鹅、烧鸭、乳鸽样样有，仲有卤水嘢俾人拣添。
攞番张阿妈嘅锦囊字条出来睇睇，写住 “一条叉烧、两条烧腩、一只烧鹅肶、豉油鸡和切鸡半边嘅下桩”。我成张字条俾咗个靓姐睇，响埋阿妈个朵之后，靓姐就吩咐烧肉哥哥斩料。
果然，正如舖名一样，快、靓、正! 好快就斩咗四盒靓嘢俾我，仲俾咗好多姜葱、酸梅酱、芥酱我添。
我拎返去阿妈屋企，原来阿妈已经打完小人，准备还神。佢见到四盒靓嘢好开心，一睇就知系靓部位。不过，佢发现载著烧鹅肶𠮶盒唔多妥，原来，佢系要所用嘢免斩，样样嘢要拜完神先至自己去斩。不过，佢又话算啦，因为佢见到𠮶盒嘢唔单只有烧鹅肶，仲多咗几旧上肉，知道系舖送俾佢的。
阿妈禀完一轮神之后，终于有得食。
叉烧系梅头个位，所以会腍啲兼无咁肥，上咗好多蜜糖汁，所以几好味。
烧腩皮脆，肥肉唔多，肉质都唔错，而且入味。
烧鹅肶，皮薄肉多，嫩滑，香口。
豉油鸡，无肥油，肉质比较实，都算整得唔错嘅。切鸡就至好食，有鸡味，唔肥。
阿妈问啲嘢烧味正唔正? 我哋个个都话正，仲话揾日可以去埋间茶记试下佢啲粉面饭。
张贴
