海記魚蛋粉麵 (已結業)

新一年第一餐谂唔到食咩又走咗嚟海记🤪新年食下双并，叫咗一碗牛腩牛筋河走青 $44，一碗云吞牛腩河 $44，另外加包鱼皮 $21。讲下包鱼皮先，上次系$11，因为系跟碗粉加，份量少d 嘅。今日系直头叫一包，所以系贵d 但份量多d，加嘅话就俾个碗装俾你，一包就成包放上碟等你自己开，鱼皮唔会好过硬同过咸，浸一浸个汤就食得。上次碗牛筋鱼蛋河睇落好似牛筋多d，不过今日碗牛筋牛腩河我都觉得够晒大碗，牛腩仍然系好淋，牛筋够弹牙。平时唔多叫云吞，但其实海记个云吞都几好食㗎，入面系虾嚟，云吞唔会煮到烂晒，大家有机会都可以试下云吞。