唐宮小聚 (荃新天地) (已結業)

疫情关系小左出街食饭，但新一年当然要出去食返餐正既， 同老公去左荃新天地既唐宫小聚饮茶。位与位之间够哂阔落，食得舒服又安心。冬天紧系要点返个煲仔饭食！呢道腊味煲仔好正，唔好睇佢系迷你， 佢系有齐哂腊鸭、膶肠、腊肠和腊肉，仲要有埋自家既麻辣腊肠。腊鸭咸香惹味, 麻辣腊肠香得黎里面带有麻麻辣辣刺激感，令人食上瘾，而腊肉油香四溢，饭粒，饭焦亦较均匀。整体令人回味！麻辣乳鸽，呢个必食，系冻食既，好特别！乳鸽肉质细嫩，酱汁大少少麻辣嘅味道，好香，又唔会太辣，开胃过瘾，食完一只唔够喉。焗鲍鱼酥松脆牛油皮包住黑松露菇菇，连埋弹牙入味既鲍鱼一齐食，滋味吸引！黑金流沙外表真系好型格！包系用健康既竹炭包，口感松软，一咬开入面啲奶黄就流晒出嚟，真系有爆浆既效果😆非常山竹入面系龙虾汁加蟹肉最估唔到嘅顶部系朱古力百力支黎😂山竹外层香脆，内里都系爆浆效果，鲜美多汁🤤肉松抓饼超多肉松，口感好丰富，好有台湾手抓饼嘅感觉。得意小猪好玩又好食，我一影完相老公即刻好快食哂佢落肚啦。P.S 下载「唐宫小聚」APP成为会员会有超过$200优惠劵，仲有仲有@会员尊享-迷你聚宝盆，腊味煲仔饭及非酒精饮品2杯可享会员价$249， 原