影片
更多
2010-09-19
277 浏览
还记得我第一次吃酒店buffet就系呢度兼且系我吃过噤多间酒店buffet中 翻抄得最多既一间.屈指一数,吃过起码都有6次,dinner同宵夜各半.呢日约左个靓女Friend睇戏吃饭,睇完戏吃酒店buffet其实已经系我地既指定动作.系openrice度见到有新主题几吸引&未一齐系呢度吃过,所以就拣左呢度啦.dinner由6pm到9:30pm,我地大约6:45pm walk in呢日系闲日加上时间尚早,坐得大约1半人到窗口位比人book晒,比左窗口位对出果台我地,都ok啦,最紧要有位环境方面,唔算特别靓,布局整齐,窗口有d系2人sofa位,灯光略暗,台头点起蜡烛,窗望半岛酒店街景,热闹之中带点Romantic . 其它位置就排得比较密D,兼且贴近大台,如果隔离台成班人开party噤款,耳仔都几受罪,加上呢度楼底唔高,多人既话都feel到几"热闹"...呢度布局好在系食物沿住一条长bar台摆 , 亦即系所讲既66米特长食物bar台.基本上你坐边都好,一行出去几步就系食物区,争在系放头盘,热荤,定甜品.先黎一碟沙律,呢度d沙律配料就略为嫌少,菜同冻肉/火腿款色都唔算好多,菜尚算新鲜,冻肉/
兼且系我吃过噤多间酒店buffet中 翻抄得最多既一间.
屈指一数,吃过起码都有6次,dinner同宵夜各半.
呢日约左个靓女Friend睇戏吃饭,睇完戏吃酒店buffet其实已经系我地既指定动作.
系openrice度见到有新主题几吸引&未一齐系呢度吃过,所以就拣左呢度啦.
dinner由6pm到9:30pm,我地大约6:45pm walk in
呢日系闲日加上时间尚早,坐得大约1半人到
窗口位比人book晒,比左窗口位对出果台我地,都ok啦,最紧要有位
环境方面,唔算特别靓,布局整齐,窗口有d系2人sofa位,灯光略暗,台头点起蜡烛,窗望半岛酒店街景,热闹之中带点Romantic . 其它位置就排得比较密D,兼且贴近大台,如果隔离台成班人开party噤款,耳仔都几受罪,加上呢度楼底唔高,多人既话都feel到几"热闹"...
呢度布局好在系食物沿住一条长bar台摆 , 亦即系所讲既66米特长食物bar台.基本上你坐边都好,一行出去几步就系食物区,争在系放头盘,热荤,定甜品.
先黎一碟沙律,呢度d沙律配料就略为嫌少,菜同冻肉/火腿款色都唔算好多,菜尚算新鲜,冻肉/火腿都系一般野. 现成既有长通粉沙律,泰式酸菜沙律,大虾粉丝,大约4,5款,但味道平平,大虾粉丝比较吃得过,整体黎讲沙律呢part做得唔太突出..
到热荤,主题叫做"肝胆相照",其实系多左鹅肝同海胆既菜色,入坐时会每人派张card仔,可以换一份火焰鹅肝,原块铁板烧鹅肝,配一件法包,鹅肝兼得唔算好油,入口即溶,味道唔错,不过1人得1份,份量亦唔多,得一小件,有d唔够喉既感觉,如果有两份既份量会好d.
其它特色热荤有 西班牙烤乳猪酿鹅肝野米饭 , 外皮香脆,中间包住鹅肝野米饭,既特别又好吃,都吃到有少少鹅肝味,我地吃左都有好多件.(开头个个都拿,兼且一碟出得几件,但后期就好充足,唔惊无得吃)
另一款主题食品 大吟酿三文鱼柳配鱼子酱鹅肝慕司 就成晚都唔见有,只见bar台有呢个牌仔..呢样就可惜d
啤酒蒸海胆乳龙虾 就几特别,海胆乳有清清地既啤酒味,好滑.龙虾虽大但肉少,供应充足,吃到你够.
另有一样鹅肝酱炸虾球,虾肉爽脆,好鲜甜,但好似吃唔出有鹅肝酱味
到本身原有既热荤,都系D大路野,本身都黎呢度吃过几次,d一碟大碟既热荤无乜点吃
本身bar台最尾果度原本系放中式点心,可能呢期做紧既主题关系,变左一堆印度食物
O加O里类,印度薄饼类(有师傅系度即整,够晒新鲜,但睇落去好油,无吃到)
有款O加O里鱼/猪颈肉好好吃,但辣左少少,唔系个个都吃得辣.呢度dO加O里普遍都偏辣
想吃大旧肉既话,呢度有铁板料理,个烧火腿,味道唔错,个铁板炒杂菜都几受欢迎
铁板料理既野吃款式真系得好少,如果有多d款拣就好...
餐饮方面,呢度有热红茶,coffee,鲜奶,lemon片放系度自己搞惦,
特色d既有"珍多冰",比杯刨冰你,自己加料(凉粉,西米,椰果,杂果,红豆....)
又有几款糖浆(薄荷,樱桃,士多啤梨,原味),自己冲返杯,够特别..
到甜品,呢度最出名系梳乎厘,但制作需时,供应唔多,我地好好彩地拿到4个陈皮海胆梳乎厘.
真系几好吃,但所谓陈皮海胆,只系面有一块仔陈皮(仲要焗到苦既),海胆?(有咩?吃唔出)
真系正正经经出返个梳乎厘好过,无谓作个名,整dd野,当新野..
其他既蛋糕味道都唔错,pancake整得好靓,值得一试
但面包布甸就整到成兜倒汗水,无人问津(可惜!,我最钟意吃既甜品竟然搞成噤..)
Häagen-Dazs雪糕你就可能吃得多,但炸Häagen-Dazs雪糕你就可能未必吃过
呢度既炸雪糕,系笔一球雪糕落蛋浆,放落高温炸到金黄.
咬落去仲feel到雪糕既冰冻,真系几特别
到最后吃左球超酸既桑果味Häagen-Dazs雪糕结束呢餐...
埋单358$/位加一,有8折,
3百20几一位黎讲算系中价,呢度定期换主题,有新野吃.
印象中会定期转主题既得呢度同埋丽景酒店
亦都系呢个原因先会黎吃几次,有新鲜感.
对上一次既鱼子酱主题,同埋呢既鹅肝海胆主题都算几满意,
本身原有既热荤可以做好D更佳.
期望下一次既主题可以做得更好.
ps:呢度既宵夜好旺场,野吃同dinner比就少左d特色热荤同埋生蚝,鱼生,以价钱黎讲真系好抵吃,
我本身都吃过几次,建议未吃过呢度既,可以试完宵夜buffet,再念试唔试下dinner buffet..
张贴
