新樂園魚蛋粉

营业中

休息中

系将军澳想食碗鱼蛋粉，真系唔多选择！难得新乐园都系做正宗潮式粉面，就俾个机会佢啦！价钱方面就约$35一碗左右，不过将军澳区黎讲已经唔算贵！手唧鱼蛋粉 $35(鱼蛋、鱼片、鱼片头）汤底够浓郁，河粉偏薄身，但唔软烂。鱼蛋食得出鱼味够弹牙，感觉无咩面粉!鲜虾云吞捞粗$35+$8鲜虾云吞大粒共五粒，咬落都几足料扎实。粗面唔会黐埋一堆，弹牙条条分明。原汁牛腩捞面$37+ $8牛腩份量都好多，肉够稔唔会痴牙。肥膏部分仲有油脂香。绝对算系高质嘅牛腩。+$15 细鱼皮鱼皮无咩粉，好脆身。浸汤时会听到喳喳声非常疗愈！总括份量都几大，正常晚餐会够饱！