星怡 (已結業)

餐厅：星怡地点：尖沙咀iSQUARE菜式：新加坡菜餐牌：小食，沙律，海鲜，肉类，菜类，素菜，肉骨茶，喇沙，汤面，汤类，饭，面，油酥饼，甜品，饮品黑松露香煎鲍鱼 $140 另加一好快就有得食！黑松露香煎鲍鱼热辣辣上枱，一客4只切粒鲍鱼连壳上，好香黑松露味！仲加左牛油同白酒，味道一级棒。鲍鱼粒口感弹牙，有咬口，伴有沙律菜可以捞黑松露汁食。新加坡麦片虾 $180 另加一新加坡麦片虾有虎虾4只，炸得皮脆香口，加上满满麦片喺面，虾头仲有膏。麦片非常香口，伴有少少咖哩叶，指天椒，同沙律，同食可解腻。炸榴梿汤圆 $38 另加一炸榴梿汤圆一客两粒，炸得外脆内软，榴梿酱适中，唔会太甜，多啲就更好！伴有沙律菜同鲜花。餐厅装修唔错，景观开扬。上菜快速，今餐食物质素真唔错。