Mee...lemongrass (已結業)

放工去开坑口取货，就打算系坑口解决埋。见咁耐无食泰国菜，又咁多人排，实无伏。于是就拣咗呢间❤森仔同女友个日都好饿，于是嗌咗两个主食、一个小食同两杯嘢饮。首先讲下主食，我哋嗌咗招牌无骨海南鸡饭同做紧大特价嘅波士顿龙虾喇沙🤤首先讲下个海南鸡饭先，一般泰国菜都畀人一种好油嘅感觉，我女友就最憎食油腻嘢，海南鸡饭啱晒佢，一个set配左三只浆，食到系好新鲜嘅鸡味，肉质好结实，又冇味精，原味原味，好健康嘅一个set，啱晒同长辈同钟意食清淡嘢嘅朋友仔食。饭质煮到啱啱好又唔油，但又有海南鸡饭个饭有嘅味。伴碟有清菜，坚系健康。跟住再讲下第二个主食，当呢个波士顿龙虾喇沙上枱嘅时候，真系哗咗一声，绝对唔系图骗。个碗本身已经好大，只龙虾更大，仲要好多肉，肉质鲜美弹牙。ps钳都好多肉，本身上碟时已经帮你卜开咗，仲开唔到可以以揾staff攞钳😉😉个粉系鸳鸯粉，粗面加米粉，椰香同辣味配搭得啱啱好🤗少少辣，好易入口！香芒软壳蟹米纸卷尼个纸卷嘅饀系生菜、黄椒、红椒、芒果同炸软壳蟹，菜较多，食起嚟好fresh，点埋酸汁好开胃😋珍多椰汁冰食泰国菜点少得椰汁冰！有香浓椰汁味，有好多一条条嘅绿色啫喱条。好好饮！Cool爆鲜芒果沙