影片
更多
2022-10-20
2556 浏览
呢排终于感受到秋天嘅感觉，所以系时候系打边炉嘅季节，今次介绍咗呢一间系新加坡嘅过江龙，除咗招牌嘅美人汤，佢哋嘅粉红色装修都系大家到访过啲原因。美滋锅系一间喺旺角家乐坊嘅火锅店，喺新加坡嘅过江龙，喺新加坡乐天餐饮集团旗下，系新加坡非常人气，喺19年插旗香港，火锅店以粉红色为主题，汤底集多国特色，好似有日式Shabu-shabu、四川麻辣、台湾药膳等。餐厅叫美滋锅，系因为想打边炉都可以食得健康，尤其系佢个招牌汤底系胶原蛋白养颜美容锅，饮落去清甜养生。餐厅最吸引人，就系佢嘅粉红色装修，入到门口就见到一只巨型粉红色嘅啤啤熊，入边都系以粉红色为主，好啱打卡。餐厅空间感十足，枱同枱之间距离都阔落，环境够干净，灯光够明亮。枱底仲有叉电，柜桶仲有纸巾，而火锅炉都有抽风功能，吸走油烟。而且入边仲有室内儿童游乐场，啱晒一家大小。餐厅系用平板落单，图文并茂，非常方便，隔离仲有沙漏俾大家计时。-1️⃣ 酱料 💰20pp（👅: 8.5/10）1️⃣ 小食 （👅: 7.5/10）呢度出边会有自助区，分别会有酱料同埋小食，酱料种类有廿几款，而且墙上面会有一啲推介嘅配搭，非常类似海底捞。我自己觉得花生味碟系几好，另外依
美滋锅系一间喺旺角家乐坊嘅火锅店，喺新加坡嘅过江龙，喺新加坡乐天餐饮集团旗下，系新加坡非常人气，喺19年插旗香港，火锅店以粉红色为主题，汤底集多国特色，好似有日式Shabu-shabu、四川麻辣、台湾药膳等。餐厅叫美滋锅，系因为想打边炉都可以食得健康，尤其系佢个招牌汤底系胶原蛋白养颜美容锅，饮落去清甜养生。
餐厅最吸引人，就系佢嘅粉红色装修，入到门口就见到一只巨型粉红色嘅啤啤熊，入边都系以粉红色为主，好啱打卡。餐厅空间感十足，枱同枱之间距离都阔落，环境够干净，灯光够明亮。枱底仲有叉电，柜桶仲有纸巾，而火锅炉都有抽风功能，吸走油烟。而且入边仲有室内儿童游乐场，啱晒一家大小。
餐厅系用平板落单，图文并茂，非常方便，隔离仲有沙漏俾大家计时。-
1️⃣ 酱料 💰20pp（👅: 8.5/10）
1️⃣ 小食 （👅: 7.5/10）
酱料
50 浏览
1 赞好
0 留言
呢度出边会有自助区，分别会有酱料同埋小食，酱料种类有廿几款，而且墙上面会有一啲推介嘅配搭，非常类似海底捞。我自己觉得花生味碟系几好，另外依度有海底捞，我最钟意嘅菇酱，所以成日会就咁匀来食。
小食
32 浏览
1 赞好
0 留言
-
1️⃣ 胶原蛋白养颜美容锅(鸳鸯锅) 💰128（👅: 8.5/10）
酸菜鱼锅(鸳鸯锅) 💰98（👅: 8/10）
胶原蛋白养颜美容锅
21 浏览
1 赞好
0 留言
至于酸菜鱼锅系佢之前新推出嘅，汤底用四川酸菜、指天椒、红花椒、青花椒等材料长时间熬制，叫咗中辣，饮落去我觉得系谭仔嘅二小辣到小辣，所以唔食得辣嘅人应该要叫小辣，饮落去系酸味同埋辣味同时突出，唔系后劲𠮶种辣，麻味就要饮多几啖先会有后劲，唔好以为加水就冇咁辣，佢其实会越煲越辣，花椒味会更加出。
酸菜鱼锅
17 浏览
1 赞好
0 留言
而呢个锅非常入味，无论系渌肉类定系其他食材，都可以食到酸菜鱼汤嘅味道。
-
2️⃣ 精选牛肉拼盘 💰288（👅: 8/10）
精选牛肉拼盘
$288
79 浏览
2 赞好
0 留言
除左美国牛丁建议渌40秒，其他渌8秒就可以。
牛肉全部都够新鲜，当中最钟意系安格斯牛小排，油花分布平均，入口系最软嫩，食落油脂甘香，带小小牛味，齿颊留香。
至于封门柳咬落系有嚼劲个种，肉味系最浓一款。
牛板腱算系牛味同油脂平均，比封门柳嫩腍小小，带嚼劲。
巴西牛舌够薄身，咬落爽弹，食落小小肉味。
️肥牛丁好似骰仔牛，系有咬口个种，部份会有筋，食落油脂好突出，我自己略嫌油脂太劲。
-
3️⃣ 饺子综合盘 💰98（👅: 9/10）
饺子综合盘
$98
29 浏览
1 赞好
0 留言
当中最钟意系韭菜猪肉饺，呢度既皮都算薄，似云吞皮，入口嫩滑，食薄去韭菜味突出，入面既猪肉好似腌过咁，非常入味，系我食过数一数二好食既韭菜猪肉饺。
珍宝鲜虾水饺内馅一样扎实丰满，入面有粒粒虾肉，咬落够弹牙，食落鲜味十足。
虾卷同猪肉卷系长条形饺子，入面既馅料一样系好饱满。食完觉得佢系比火锅耽误既饺子店。
-
4️⃣ 丸子综合盘 💰98（👅: 8.5/10）
丸子综合盘入面有虾丸、牛肉丸、墨鱼丸、猪软骨爽肉丸，全部都系手打。
最钟意系墨鱼丸，真系咬到一粒粒墨鱼，非常弹牙，食落鲜甜，如果系芝士版应该更加好食。虾丸同墨鱼丸一样咁弹牙，有虾肉本身既鲜甜味。
软骨爽肉丸系猪肉丸，滑身得黎有软骨爽口既口感，食落猪肉味香，调味得宜。
-
5️⃣ 炸响铃(半份) 💰25（👅: 8/10）
炸响铃
$25
25 浏览
1 赞好
0 留言
-
6️⃣ 鲜准山(半份) 💰19（👅: 8/10）
鲜准山够新鲜，入口爽口，而且都算入味。
-
7️⃣ 自制水果红茶 💰25（👅: 8/10）
自制水果红茶
$25
23 浏览
1 赞好
0 留言
-
8️⃣ 竹蔗茅根 💰25（👅: 8/10）
竹蔗茅根
$25
30 浏览
1 赞好
0 留言
-
🌟整体我觉得呢度嘅模式好似海底捞，无论系酱油定系汤底方面，不过食物质素比起海底捞都要高质，无论牛肉、饺子、丸方面都系比海底捞好食，当然佢个价钱都会比海底捞贵，偏中高价既火锅。
另外餐厅粉红色为主题，好打卡，而店员服务方面几好，今日会主动refill饮品，亦都会主动加汤。而且餐厅开到12点，我系平日夜晚去，唔算满座，有人10点几入嚟Walk in食都得。我7:30食到差唔多10点，都冇俾人赶走，所以系可以慢慢食嘅一间火锅店，可能假期会多人啲就有时间限制。同埋听讲佢有好多唔同嘅优惠，例如喺OpenRice 定位有六折到八五折嘅优惠，听讲分享同女性朋友用餐嘅相去FB/IG 会有免费特上牛魔皇拼盘，同埋逢星期一到访美滋锅，女士可独家获得Moon lady特饮同绿野仙踪蔬菜拚盘1份，计埋优惠，系好值得到访嘅一间火锅店。
-
👅味道: 8/10
🍴环境: 8/10
💰消费: $300-400 (服务费: 10%)
张贴
