The Ice Cream & Cookie Co.

营业中

休息中

呢间新加坡雪糕品牌近期嚟咗香港上环开首间香港实体店。 之前未有试过呢个品牌嘅雪糕，但见佢哋嘅手工 Ice cream sandwich ，都好有兴趣想试吓。店舖门外装修用上深蓝色，相当抢眼。楼高两层嘅店舖，楼上会提供地方给顾客堂食，至于楼下卖雪糕嘅地方空间就较狭窄，若顾客多的话，会感觉比较挤迫。雪糕有十余款味道选择， 而且味道款式都算几特别。除雪糕外，更有多款即焗曲奇，饮品以至各类甜品等。我最想试吓佢哋手工雪糕 Ice Cream Sandwich ｡ 我拣咗 Double Choc Chunk及 Macadamia White Choc 曲奇饼做面底，夹在里面嘅雪糕要咗Miso Maple Walnut ｡成品完成会放在一个篮色小盒内，presentation 看起来非常得体美观外， 最重要是食起来时不用担心雪糕溶掉时的狠狈。 抵赞雪糕比一般雪糕无咁甜， 雪糕黏度较高，食时有少许烟韧感 。 相反曲奇饼比较甜，半脆身，新鲜焗起好香。 食曲奇后再食雪糕，会觉得雪糕味道更淡。 尝试拿起整个雪糕三文冶放进口，但可能太厚关系，食时会有点 「论尽」。