A.T.A.S

营业中

休息中

见到好多朋友都去咗铜锣湾依间新开嘅新加坡风味料理，啲相实在太吸引喇，搅到我都忍唔住要去会一会佢。餐厅运作模式有点似快餐文化，需要自己揾位，柜面落餐、拎餐，同交餐托盘。环境唔错，地方宽敞同好干净。面粉粿汤除咗手打嘅面粉粿，仲有猪肉丸、炸江鱼仔、卤冬菇、流心蛋。 份量都多都丰富。 汤底非常鲜甜。猪肉丸当然唔系冻肉铺买返去打边炉果只啦，而真系猪肉㧻嘅肉丸，真真实实嘅猪肉嚟。客家酿豆腐依个超丰富，有酿豆腐、茄子、红尖椒、绿尖椒、苦瓜、白萝卜。 每一件煎酿都好大件，而唔同平时食嘅煎酿三宝，酿入嘅系猪肉，虽然无酿鱼肉咁弹牙，味道绝对无比下去。依款可自选面食，我就要咗干面，所以跟埋一碗好鲜味嘅汤。玫瑰露恶龙玫瑰味好突出，而顶头嘅美绿粉，湿咗后可以慢慢一啖啖咁食。邪恶得嚟好正。班兰奶茶奶茶香滑，配合清淡嘅班兰香味。