蛋藝工房 (已結業)

圣诞三日红假，其中一日入左嘉湖亲戚屋企麻雀耍乐，入去之前去左出名多平野食嘅新北江买埋野食入去一齐食，食饱先开枱。见蛋艺工房店面企理干净，啲野食都系街坊价，就一于试下。蛋艺工房主要做外卖生意，店内只有六个堂食位。蛋艺工房主打食煎蛋同滑蛋，所以饭款大迎份都有蛋喺入面，另外佢地都有pizza同小食供应。我拣左个二人餐($138, 外卖加$4)，里面包左两个6吋Pizza、一款饭、双色薯条同两款饮品，另外再加多个炸物拼盘($38，外卖加$1)。夏威夷墨西哥薄饼 - 薄饼直径约6吋，饼底薄而香脆，饼边脆到好似食紧饼干咁，薄饼上面放满菠萝、粟米同番茄，食落甜甜地都唔错。烟三文角墨西哥薄饼 - 饼底同样香脆，薄饼上面放满三文鱼、番茄同芝士。炸双色薯条 - 双色薯条即系普通薯条同番薯薯条，份量都唔少，外卖返到黎都仲有少少脆。酱皇手工叉烧配炒滑蛋饭 - 叉烧虽然唔算太厚切，但食落都几松软，肥瘦适中，下面嘅涌蛋唔会太老太鞋，都唔错。炸物拼盘($38) - 拼盘包左春卷、咖哩角、炸虾、炸鸡保同燕麦紫薯丸各两件，都几丰富。炸物拎到返黎都仲脆，紫薯丸就甜甜地，似甜品多啲。饮品 - 二人餐包嘅野饮可以拣汽水或者哩