新南苑雞煲小菜點心 (已結業)

是日收工，同朋友约左去距屋企附近餐厅食小菜鸡煲，呢间餐厅就系位于竹园南邨商场嘅新南苑鸡煲小菜点心。餐厅环境新净而且装修好有格调，睇完Menu，见到呢度D菜式偏向大排档风味，今次order左3个小菜，2个甜品，好期待。✧凉瓜牛肉✧苦瓜青翠回甘，牛肉选用牛坑腩部位，肥瘦适中，横纹切薄片，入口腍滑。食得出厨师的功力，热镬落油，爆香红椒丝、葱段和豆豉，之后加入苦瓜同牛肉大火爆炒，调味同埋芡都好好。✧啫啫鸡煲✧啫啫鸡煲名字的由来系因为用瓦煲先可以发出啫啫咋咋嘅声音。呢一道系传统粤菜，材料有鸡件、猪膶及大量干葱头，之后将所有材料放入热瓦煲，keep住翻滚，热腾腾且香味扑鼻，鸡肉滑溜带有酒香，非常惹味而且好下饭。✧鱼香茄子煲✧呢个茄子煲非常之索味，食唔停口。将虾干、猪肉碎和蒜头爆香之后加入茄子。茄子颜色保持鲜艳，而且营养价值很高，用瓦煲炆煮，汁液浓稠，尤其美味。✧黑金流沙包✧卖相精致，撕开热腾腾黑金流沙包，见到金黄色奶黄慢慢渗出，简直系视觉与美味嘅享受。✧焗西米布甸✧呢一道茶楼的传统甜品，好在未绝迹！表面系诱人的金黄色，栗蓉馅超香滑，西米做到粒粒分明有𡁻口，更富层次感！✧冻咸柠七✧天气热少不了清凉饮