新合發飯店

营业中

休息中

朋友揸车去咗大围，拣咗可以泊到车嘅新合发饭店。我哋几个叫咗几样小菜，分别有咕噜肉、蜜椒汁猪扒、春菜腩肉同香煎牙带鱼，有啲食咗大半先影相。呢度啲咕噜肉同香煎牙带鱼都算OK，咕噜肉个炸浆几薄，又唔会有太多肥膏。干炒牛河，每条河粉表面都有豉油，炒得够干身，唔会一旧旧咁。虽然香口，不过对女仔嚟讲就真系有少少油。香煎蚝饼，炸得好香脆，入面啲蚝仔都唔少，唔系得几粒仔，都唔错。小菜嘅表现都算合格，胜在可以泊到车。