咖喱邦 (已結業)

开完会行过见到新餐厅就试吓，啱啱开咗一个礼拜唔系好多人，坐得都舒服。几特别好多款唔同咖喱选择，初初惊热辣辣食咖喱会好热，不过佢啲汁另上又有沙律菜，感觉清新，冷气够。平时唔写食评，不过呢间服务几好，经理好殷勤，今时今日咁嘅服务态度抵赞，希望帮手宣传吓。个friend叫咗牛同蛋包饭，牛有成10件，个样几靓，抵食。我叫鸭胸，因为出边少有，都做得唔错，唔会太熟同鞋口，份量都几大食唔晒。性价比接受到，希望分量细啲唔好嘥嘢。下次可以同屋企人嚟再嚟，想试吓佢啲荞麦面，见到隔离食几得意，个人未见过用荞麦面整咖喱。