影片
更多
2023-01-06
1506 浏览
约咗朋友去太古城睇戏，趁空档过嚟鲗鱼涌食个 early dinner。朋友提议去海光街𠮶间「随心」，原来餐厅除了主打星马菜外，最近更增添咗唔少新菜式，例如沸腾鱼、水煮牛肉、红烧乳鸽、避风塘生蚝等。朋友想食贵州酸汤鱼，而我就睇中咗咕噜肉同粉丝煲，就一于三样都点晒，然后齐齐分享。第一次食呢款贵州酸汤鱼 ($198/2人份)，原来味道非常特别，汤底以大量蕃茄同辣椒等熬制而成，真材实料，入口蕃茄味非常浓郁，微辣配茄酸，非常夹。鱼肉大大片，份量十足，入口啖啖肉，滑嫩又无骨，正！至于其他配料就仲有青瓜、杂菌同宽薯粉。宽粉厚度充足，也够烟韧，有嚼头，加上吸收晒汤汁嘅精华，吃起来蛮过瘾。另外呢客荔枝湾咕噜肉 ($128) 水准亦一流，咕噜肉外层炸得很香脆，粉浆份量刚好，个汁嘅酸甜度亦调校得恰如其分，配上爽口嘅甜椒、多汁嘅菠萝同甜美嘅荔枝，绝对系开胃之选。最后上桌嘅香辣海鲜粉丝煲 ($198) 卖相亦非常吸引，用料一啲都唔手软，有大虾、带子、元贝仔同大量粉丝。大虾爽弹鲜甜、带子肥大肉厚，粉丝入味得嚟又带少许香辣，够晒惹味。饮品点咗冻柑桔柠檬 ($28) 同 青柠梳打 ($28)，两款饮品都做得唔错，
朋友提议去海光街𠮶间「随心」，原来餐厅除了主打星马菜外，最近更增添咗唔少新菜式，例如沸腾鱼、水煮牛肉、红烧乳鸽、避风塘生蚝等。
朋友想食贵州酸汤鱼，而我就睇中咗咕噜肉同粉丝煲，就一于三样都点晒，然后齐齐分享。
第一次食呢款贵州酸汤鱼 ($198/2人份)，原来味道非常特别，汤底以大量蕃茄同辣椒等熬制而成，真材实料，入口蕃茄味非常浓郁，微辣配茄酸，非常夹。
鱼肉大大片，份量十足，入口啖啖肉，滑嫩又无骨，正！至于其他配料就仲有青瓜、杂菌同宽薯粉。宽粉厚度充足，也够烟韧，有嚼头，加上吸收晒汤汁嘅精华，吃起来蛮过瘾。
另外呢客荔枝湾咕噜肉 ($128) 水准亦一流，咕噜肉外层炸得很香脆，粉浆份量刚好，个汁嘅酸甜度亦调校得恰如其分，配上爽口嘅甜椒、多汁嘅菠萝同甜美嘅荔枝，绝对系开胃之选。
最后上桌嘅香辣海鲜粉丝煲 ($198) 卖相亦非常吸引，用料一啲都唔手软，有大虾、带子、元贝仔同大量粉丝。大虾爽弹鲜甜、带子肥大肉厚，粉丝入味得嚟又带少许香辣，够晒惹味。
饮品点咗冻柑桔柠檬 ($28) 同 青柠梳打 ($28)，两款饮品都做得唔错，柠檬柑桔味道真实够浓，入口酸度轻微，好喝；梳打清爽凉快，加上青柠嘅酸香，宁舍醒神。
张贴
