馬六

营业中

休息中

唔讲真系唔知好顺福商场差唔多装修完㖞，今日行过见佢变左身做顺礼粮仓，暂时得几间食店同超市，唔知迟啲有咩开呢😆横掂黎到，就顺便食埋野先走啦，拣左食马六，之前食过荃湾店都唔错。睇睇餐牌，元朗分店都差唔多，点左两份下午茶再加小食，餐牌选择都几多㖞。🐖巴生肉骨茶汤米粉肉骨茶先到，同餐牌上卖相差唔多㖞，劲👏汤头几浓几香口，米粉吸满汤汁几正。意外地份量大，估唔到下午茶都咁饱。🐓马六无骨海南鸡饭朋友点海南鸡饭，卖相也不错，鸡件好多呢，而且鸡件好滑，鸡皮唔肥，但味道偏淡左啲，点下酱食啱晒。另外附上的紫菜汤都几好饮，油饭都好香口。🐟新加坡咸蛋黄鱼皮大家都钟意食咸蛋黄，就叫够两份一人一碟。咸蛋黄下得很多，正呀，唯鱼皮唔够脆身扣分了。🍞斑兰咖吔多士呢样又系超正，厚切牛油入口即瀜，仲涂左斑兰酱，又咸又甜真系好好味🤤🥤马来手工拉茶&马来桔仔红茶餐饮叫了两杯冻饮，冻拉茶几香滑，唔错饮。朋友嘅桔仔茶要左走甜，茶底同桔仔都好香，好饮。舖头唔使加一，百蚊个人头都几抵食吖。