吉列牛忌廉烏冬專門店 (彌敦道)

营业中

休息中

新开无耐嘅吉列牛定食，朋友之前去过话伏，但我都想去试下。😜餐厅都几大，不过就感觉有少少逼同埋啲位唔系太舒服。每一枱都有呢个铁板火炉仔，准备比你食餐厅嘅主打——吉列牛。唔算好多选择，不过对于我而言系好事。最后我地点左个set，吉列牛定食+香辣鸡肉炒面+2汽水。主打菜首先嚟到，其实我觉得份量都几多，初初以为得好少。吉列牛每边烧几秒系最好味，如果有心机烧埋边边就会更香脆好味。烧得太耐就会好韧，烧几秒或者见到佢有变左色再加少少透透地嘅红色，我觉得最岩岩好，唔会太生。不过唔系好香嘅牛，但呢个价钱呢个份量我觉得都可以接受，佢有蒜香味搭够。一见到呢个面有啲惊，因为好似好多忌廉，但系食落系唔多忌廉的。面嘅质感好好，好烟韧，但系真系太辣，辣得太过份，自问都算食得辣，但系我都食得好辛苦。如果将辣度调低返少少就好了。整体而言，我觉得性价比都高，唔系朋友口中嘅伏。虽然店员少客人多有啲逼同出餐较慢，但店员服务态度好好。食物质素都不错，可以一试。不过建议大家预约定，因为都真系多人。