吉列牛忌廉烏冬專門店 (彌敦道)

營業中

休息中

終於同🐧🐧 buddy 試到慕名已久嘅吉列牛😍❤️ 到訪位於旺角嘅分店👍 入面環境寬敞開揚，設計簡約而舒逸🌟 多人歡聚都好合適🥰 叫咗超抵食嘅吉列牛定食套餐，內含吉列牛定食一set, 香辣忌廉雞肉炒麵，以及兩杯餐飲🥂 全部加埋只需$256 🤩 性價比極高😘 吉列牛定食set 包含大大塊切件吉列牛扒、白飯和多款前菜醬料❤️ 吉列牛扒肉質鮮嫩，放上明火石燒鍋上煎煮，牛香四溢超級邪惡😈🤤 送飯一流😙 香辣忌廉雞肉炒麵超重泡菜味🤭❤️ 食落好夠辣超過癮😋 麵條彈牙有嚼勁，入口每一啖都辛香刺激，加上濃稠奶香嘅忌廉醬汁，超級惹味誠意推薦👍👍👍 飲品特意加錢upgrade 特色飲料🍹 㨂咗一杯粉嫩迷人嘅Rose Garden❤️ 飲落帶有幽幽嘅玫瑰花香😙 碳酸嘅清爽口感好解膩解辣👍 另選了一杯紫薯Latte❣️ 粉紫色嘅外觀感覺好夢幻，頂上唧滿香滑嘅忌廉😍 飲落順滑冰涼，滿滿嘅鮮奶醇香滋味，甜而不膩好出色👍👍

依間吉列牛忌廉烏冬，好耐之前新一開張嘅時候好受歡迎，成日要排長龍，當時食過覺得幾好食，食過一次之後好耐冇食，今日特登去食吓，少人咗好多，晚飯時段都唔滿座。嗌咗個餐係吉列牛加忌廉烏冬，再加咗個釜飯，再叫咗小食炸雞，記得幾年前食嘅時候都仲未有釜飯的。明明冇乜人，但係兩個人淨係可以坐二人枱，我哋嗌咁多嘢根本擺唔到，所以佢終於都俾我哋擺埋去隔籬枱，基本上淨係一個吉列牛都擺滿咗張枱，都擺唔到其他嘢。吉列牛個餐有埋湯、飯、前菜胡麻豆腐，有幾款醬汁，個盤已經咁大，仲要擺個爐。自己放啲吉列牛上去燒下，要幾熟全由自己決定。感覺啲牛冇以前咁香，亦唔算太脆。忌廉烏冬，個人覺得好食過吉列牛，超creamy，入面係咖哩烏冬，夠晒味。入面仲有啲牛肉，但好腥好羶。炸雞，一睇到就發現點解唔係平時食嗰啲炸雞嘅皮，睇落都吉列咁，而個皮都幾厚。釜飯，個飯唔係太熱，同埋冇汁，所以啲飯都幾乾。帶子薄薄幾片，加啲蟹籽，味道還ok。

叫咗一個咖喱忌廉烏冬，同埋一個吉列牛定食。首先食一舊吉列牛，擺入口咬唔開超級韌，需要夾硬扯開吞落肚。咖喱忌廉烏冬: 望落好奇怪，撈勻之後賣相都OK嘅，但係食落口冇味，好少好少咖喱味，完全唔辣，食多兩啖見到有觸鬚，有觸鬚有觸鬚，呢個時候已經好驚，撩開仔細睇就見到係曱甴🤮🤮🤮我碗烏冬入面有曱甴🪳我碗烏冬入面有曱甴🪳我碗烏冬入面有曱甴🪳好彩佢餐廳入面有廁所，真係即刻衝入去嘔返食咗嗰兩啖烏冬佢仲話補返個小食俾我，食個烏冬都有曱甴，我點知你個炸嘢啲油用咗幾多年，細思極恐，邊度夠膽食，呢間舖頭究竟憑咩咁多好評？

冇諗過咁難食咁差🫣😪同閨密一次又一次錯過今次終於試咗入到去已經系open rice訂咗二人入到去全部都係大媽招呼冇裝修已經覺得有少少伏再用QR code叫環境已經係唔得㗎啦冇環境冇裝修冇打卡位冇下次叫咗一個吉列牛全部都係油膩食唔出嗰隻係牛唔知食緊啲乜⋯再叫咗一個個個都話好食嘅忌廉雞肉烏冬=不知是什麼難食😪再叫咗一個芝士蛋=都係嗰句唔知食緊啲乜嘢叫咗兩杯抹茶latte除咗冇咗兩支百力滋之外嗰杯抹茶完全係冇抹茶味嘅滿滿的冰⋯已經喺落餐嘅時候寫咗少冰😢不過算啦，都覺得已經中伏㗎啦，搵個位置吹水就好了😣沒有更差只有更差🤯香港沒有了⋯

朋友想試呢間吉列牛，早幾日可以成功電話預約。星期五嘅晚上都唔full。原來唔full係有原因嘅😢。3個女仔哎咗呢幾樣，份量ok:🫠 吉列牛定食套餐 + 香辣忌廉烏冬 ($256): 好耐以前食過銅鑼灣總店，d吉列牛大大舊，又夠厚。今次發覺d牛薄咗好多，無乜牛味，份量偏小。十分一般。忌廉烏冬比較漏。😐 蕃茄濃湯黑豚肉shabu shabu ($126): 另外加$18 烏冬，夠熱，但十分普通☹️ 雞軟骨餃子 ($48): 有新意，仲唔太夠熱，而且太油，後悔哎咗成個用餐經驗麻麻，冷氣無開，我哋一路食一路標汗。服務態度一般。個人唔介紹呢間。

點了一個兩人用的吉列牛定食套餐，內含吉列牛定食一份,香辣忌廉烏冬一份以及兩杯餐飲🥂 全部只需$256 但有點可惜的是不讓坐窗邊位吉列牛定食 吉列牛外層口感酥脆，配上白飯、麵豉湯,以及配菜凍豆腐和車厘茄,營養均勻豐富,牛肉的肉質鮮嫩,輕輕煎一下再搭配各式醬汁配料,吃完感到滿足  香辣忌廉烏冬 忌廉烏冬麵條十分Q彈,配上濃郁香辣的忌廉醬汁,口感creamy，味道濃郁，而且碗內還有牛肉呢 蒜片牛舌芯$58 牛舌芯肉質爽脆,蒜片香與牛舌很match  

嗌咗外賣15分鐘先嚟話賣晒可唔可以轉其他飯到底係一早賣晒冇鎖機定因為做咗堂食單先做外賣搞到冇晒賣晒唔緊要啊 你接到張單就打嚟啦 拖咗15分鐘先發現？唔識早啲通知個客？外賣單唔洗理？定係拖咗15分鐘先做張單搞到冇晒？打工仔lunch time得個一個鐘架炸🌝嗌過另一間又等多半個鐘 下次賣晒早啲出聲好冇🌝

旺角既樓上cafe、餐廳好多，彌敦道726號，成棟大廈都好多嘢食，高層景色其實都不錯添❣️17樓既忌廉烏冬is one of my favorite，值得推介❣️大推坐窗口位，開揚既風景，而且卡座都好闊落。🍜咖哩忌廉烏冬 $88滿滿、厚厚嘅一層忌廉鋪滿喺咖喱烏冬上面，賣相好得❣️見到就好吸引🤩烏冬同雞肉質素都高，好味！每條烏冬都係煙韌彈牙💗忌廉撈埋咖喱汁掛滿每條烏冬，更添creamy😋咖哩味雞肉亦都好入味配料除咗雞肉，另外仲有牛肉選擇，好食呀呢個！👍👍👍🥘咖喱海鮮Shabu Shabu (不包括烏冬)$158材料都幾豐富！好多隻蝦，仲有好多蜆肉、元貝、生蠔、菜等等，咖喱湯底，都係好味選擇😋👍韓國蜂蜜紅棗茶$28望住雨景，飲杯熱飲幾chill😎下次行開旺角，encore得過！👍

找到一間好食又好玩的餐廳-吉列牛忌廉烏冬專門店，位於旺角彌敦道726號17樓，有一大落地玻璃可以俯瞰旺角彌敦道之景色。.叫了一個二人套餐，包括一個吉列牛及忌廉麵，也包括兩杯飲品。.這間餐廳的菜色真是令人驚喜，尤其是吉列牛定食，獨具創意且美味十足。能夠親自在燒烤爐上煎烤未完全熟的吉列牛扒，不僅增添了一份互動樂趣，更讓食物的風味更加豐富。搭配幾款前菜及味噌湯，給人一種飽足感與滿足感。.另外一道令人驚豔的菜色是香辣忌廉雞肉炒麵，這道料理的獨特之處在於上面鋪滿了一層濃郁的忌廉，宛如白雲飄渺，下面則是辣味十足的炒麵，兩者結合在一起，帶來一種獨特的口感和風味，絕對是辣味愛好者的最愛。.在飲品方面，除了可樂外，韓國蜂蜜紅棗茶也是一個不錯的選擇，清新甜美的口感讓人回味無窮。.最後，雞軟骨餃子作為點心或小吃，脆脆地的口感十分不錯，帶來了另一種風味，讓整餐更加豐富多樣。.總的來說，這家餐廳不僅提供創意十足的菜色，更給客人帶來了一場美食冒險之旅。每一道菜都散發著獨特的風味和魅力，讓人愛不釋手。這裡不僅是一個用餐場所，更是一個讓人享受美食與生活的天堂。

周三晚，我與老婆選擇了Kobekyu吉列牛忌廉烏冬專門店共進晚餐。我點了帶子蜆肉蟹籽釜飯~$128,這是一道色香味俱全的豪華海鮮飯。米飯煮得恰到好處,每粒都散發著清香,加上鮮美的帶子、蜆肉和魚子,真是令人垂涎欲滴。為了解膩,我搭配了一杯熱蜂蜜菊花蜜~$28,清甜爽口,與海鮮飯完美搭配。太太則選擇了醬燒黑豚肉釜飯~中95。黑豚肉的肉質鮮嫩多汁,醬汁入味而不油膩,令人難忘。她點的Rose Garden冰飲~$38則是以玫瑰花為主打,清新怡人,極富情調。在這家日式餐廳,我們不僅品嚐到了可口的佳餚,不只填飽了肚子,也填滿了我們的心。

比百幾蚊食垃圾一入到去有陣up味 同職員講 佢地唔覺有問題D枱凳全部都好污糟 再加埋睇到個餐牌 污糟邋遢個吉列牛飯份量又少 加埋服務費160幾蚊( 何來有服務？)可以有更好選擇以後唔好再去

唔係好明點解呢度會有咁多好評。去到嘅時候餐廳冇乜人，但係完全冇人帶位。坐低侍應淨係擺低咗兩隻杯同埋水壺，連斟水都要我哋自己嚟。去到叫嘢食都係掃code落單，我真係唔明嗰10%服務費點解要收，係講緊連餐具都係自己打開櫃桶攞，我真係畀得不明不白。嘢食都好普通，吉列牛都唔係淨係得你呢間有得食，除咗有個黑松露醬比較特別之外都冇咩突出嘅地方，我就覺得性價比唔高。至於個忌廉咖喱烏冬，同樣都係唔算特別好食，個咖喱同忌廉溝埋一齊之後變得好淡，唔算難食嘅，但亦都唔係特別好食囉。總之，成個體驗真係唔值得呢個價錢。呢間餐廳係樓上舖，我相信應該都需要唔少成本喺網上做宣傳，亦都可能係咁樣所以有唔少好評，但如果實際上嘅顧客體驗係咁差，我對你哋嘅前景十分之悲觀。

忌廉烏冬😍😍吉列牛必食😋😋😋地方大，有景色睇！ 我覺得餐廳環境不錯，坐位舒服嘅。 餐牌都好多嘢食揀～ 點都會揀到一兩樣啱食嘅，特飲都不錯 👍🏻烏冬夠唒味😋

以為日式餐廳， 原來韓式， 但又唔係好正宗韓式。2人星期五1點時段， 得2枱客， 超靜。人少通常都中伏，點知真的唔好食。吉列牛定食$256香辣忌廉雞肉炒麵🌶🌶吉列牛好一般， 冇牛味香辣忌廉雞肉炒麵🍲--＞＞超級辣， 只能食到1半， 食晒一碗會火燒胃。🌶🌶🌶價錢貴， 完全唔值。照燒雞扒茶漬飯$65雞扒似原成， 不似自己整豚骨湯唔熱飯又唔熱好行好hea 快餐店飯咁。總評。3分👎👎服務。 差， 服務員冇表情， 冇笑容， 冇說話。衛生。 枱椅有飯， 沒有清潔好。食物。 唔值環境。 冇人氣， 好像唔多掂咁。

有一日突然之間好想食吉列牛🐮上網查一查就搵到呢一間專食吉列牛嘅餐廳發現價錢仲好抵$256就已經有一個定食同埋一個忌廉烏冬或者忌廉炒麵♡̴ 吉列牛定食🐮入面包含吉列牛、白飯、麵豉湯、凍豆腐、車厘茄。上桌前已經炸到三成熟利用枱面上的迷你鐵板火爐泥燒吉列牛自己控制鍾意嘅生熟度大約每邊燒10秒牛肉味超濃肉質亦都好粉嫩配埋沙律醬和芥末正呀！🙌🏻♡̴ 香辣忌廉雞肉炒麵雖然佢最出名係忌廉烏冬但之前食過幾次所以今次想試吓新口味🤤🤤我覺得個味同辣雞麵有少少似忌廉口感滑捋捋麵煙韌有咬口仲會有好多配料例如雞肉椰菜等等超級惹味👍🏻♡̴ 🥟雞軟骨餃子 ＄48一份有四隻餃子皮脆口之餘入面咬到一粒粒雞軟骨脆脆地而餡係菜肉加埋一齊食超有口感！