意粉屋 (已結業)

今日妈妈，妹妹和婶婶行完街揾我食lunch，我地就黎食妈妈喜爱的cheesy意粉。凯撒沙律 ($58)：生菜新鲜爽甜，sauce酸甜适中，好味。香草忌廉海鲜阔面 ($84)：芝士味香浓，阔面有咬口，妈妈的至爱！芝士蟹肉菠菜卷 ($82)：意粉皮包著蟹肉和菠菜馅，但蟹肉和菠菜份量少到唔系好食得出佢地既味道，而且芝士味唔够浓，似忌廉汁多d，而且食落好济。龙虾汁海鲜焗墨鱼汁饭 ($96)：墨鱼汁饭焗得好野味又有咬口，无饭不欢既婶婶赞口不绝。呢间意粉屋食过几次都好味，份量多价钱合理，比起附近的西式食肆好。