品曲奇 (利園二期) (已搬遷) 新店位置

今日试咗款新出嘅本地品牌曲奇，因为本人不太好曲奇，本来兴趣不大，但当我见到佢啲口味如此独特就跳起咗我嘅兴趣，顺道支持下本地品牌。啲曲奇嘅口味有几独特，你可以睇下，红枣、陈皮子姜、花旗参提子、杏脯迷迭香听落都可以想像到作为曲奇嘅口味，由于平时我地食嘅曲奇都是以甜居多，但系接下来的香辣虾米、葱油鸡、XO酱同埋七味粉真系难以想像。一盒杂锦就可以试晒所有口味，包装设计都几新潮，做礼物几好。曲奇水准高，入口香脆，松化。所有口味入面花旗参提子，红枣，杏脯迷迭香味道算得上比较清淡，可能本身唔太钟意花旗参嘅味道，红枣同埋迷迭香嘅清香味道反而比较吸引。陈皮子姜口味嘅味道开始变重，本身钟意姜味，所以呢个口味中子姜嘅味道比陈皮味重系得我欢心。XO酱味入口前会以为味道会好重，但食过后系淡淡嘅XO酱香味，最后会有少少XO酱嘅辣味留于口内，出乎意料吸引。葱油鸡口味就有少少似鸡仔饼，如果钟意鸡仔饼当唔想咁油腻，呢款曲奇会系一个新选择。香辣虾米同埋七味粉两个口味都比较辣，本身唔系辣得之人，所以不得我心，但系呢两款口味系辣同埋曲奇嘅香味之间都取到平衡，钟意辣嘢可以一试。