○de▽ 鯛白湯らーめん

营业中

休息中

成日嚟到中环都见到呢间鲷白汤拉面都排晒长龙，今日一于试一试佢。一如以往，今日都系排长龙。睇返佢个menu，佢有三款拉面可以选择，有鲷白汤沾面，鲷白汤拉面，同鲷清汤，而我今次就拣咗个基本盘，鲷白汤拉面，试下佢哋个鲷白汤。Lucky,俾咗个靓位我，自己一张枱。佢喺门口嘅时候，已经有个同事帮你用落单机落咗单，所以入到嚟乖乖等食就可以啦。呢个位有个大玻璃窗，可以欣赏到窗外景观，增加空间感。bar枱位置对住开放式厨房，可以欣赏到拉面职人煮面嘅景况。上枱啦，鲷白汤拉面，盛惠$138。纯白汤底再配上黄金碗花，加上粉嫩叉烧同装饰，视觉上首先已经系一种享受。帮边黄色嘅系柚子酱，专为淡口人士而设。如果觉得汤底太浓，就可以加入佢中和一吓，确实又真系可行。鲷白汤鲜味浓郁，再带有些少周打鱼味。面条典型日式拉面，不过不失啦。叉烧薄切，好香猪味。加咗$15嘅溏心蛋，同其他拉面店咁上下嘅水准。全清之后，喺碗底系佢哋店舖嘅招牌。总括而言，店面同拉面嘅外观都非常美观，打咭一流。味道方面鲷白汤确实系特别，但除此以外就普普通通，喺而家有如此多拉面店选择之下，呢个价钱，令人回头嘅机会真系不大。