龍島 (朗豪坊)

营业中

休息中

前几日妈咪既朋友生日，于是去左龙岛买左个生日蛋糕拎去餐厅食，龙岛既蛋糕一向鼘相都好吸引，价钱都系中上，买大蛋糕好似都系第一次。今次拣左呢款系芝士蛋糕，相对其他款式佢就少啲装饰，但因为大家都中意芝士，所以拣呢个。佢除左个味系芝士味，佢个外型都系一旧芝士加埋两只老鼠仔，都几岩相机食先架。芝士蛋糕一向系我最爱，但今次呢个芝士蛋糕同平时食开既唔同，一黎佢系纯芝士味，即系无加咩蓝莓呀生果呀果啲，所以完全食到哂佢既芝士味，但今次呢只芝士系带少少咸味，唔系平时creamcheese果啲味道，所以可能唔系个个都中意食，加上无左生果平时酸酸地既balance，相对地好易漏，朋友们食左少少就净返哂比我呢个黑洞了讲下隔离两只老鼠仔，我当然唔会放过啦哈哈，佢个皮系朱古力脆皮，我以为佢系成旧朱古力，但无谂过佢有脆皮，相当唔错，食到底原来唔系朱古力而系烟韧既橡皮糖！虽然系摆设，但都系有心思设计过添~ 我中意食呢两只野仲多过个芝士蛋糕啰哈哈呢款蛋糕既芝士味就唔系我杯茶喇，相信其他味道会岩我多啲~~