影片
更多
2019-10-03
161 浏览
第一次食斋，经朋友介绍下决定嚟呢个位于深水埗嘅「素年」试下。店铺虽小但因为装修系浅色系为主，感觉好舒服同埋唔会好窄好逼。晚饭时间都几多人食，不过好彩朋友有预先订位！建议大家去食之前订一订位先，费事去到要企喺度等好耐。店员亲切有礼，成间店比我嘅感觉就系好warm好cozy.到食物方面，我自己叫咗「黑松露蘑菇汉堡」，呢个真系好好食值得推介，特别系中意食菇嘅朋友！因为个蘑菇好厚身而且好有味，同黑松露同埋芝士嘅配搭都恰到好处，食落好有层次感！同埋配汉堡嘅蕃薯条都炸得好香脆，但又唔会太油，食得健康啲之余又可以享受美味，摆脱咗我对「食斋就一定好寡」嘅固有印象。简单嚟讲净系呢个汉堡都足以令我回头十次返嚟食，因为真系好好味！色香味俱全𠮶种好味！朋友叫咗呢个不可能汉堡，入面嘅肉唔系真肉！不过我朋友话佢食落口感同味道都同一般汉堡扒无异，食落觉得好香口，想食下burger嘅veggie不妨嚟试！顺带一提，两个餐都配咗冻伯爵茶，饮落觉得好开胃，配burger啱啱好！成餐食得好饱好满足但又唔会觉得好油腻好有罪恶感，一定会再食，继续支持呢啲本土小店！
店铺虽小但因为装修系浅色系为主，感觉好舒服同埋唔会好窄好逼。
晚饭时间都几多人食，不过好彩朋友有预先订位！建议大家去食之前订一订位先，费事去到要企喺度等好耐。
店员亲切有礼，成间店比我嘅感觉就系好warm好cozy.
黑松露蘑菇汉堡
18 浏览
0 赞好
0 留言
到食物方面，我自己叫咗「黑松露蘑菇汉堡」，呢个真系好好食值得推介，特别系中意食菇嘅朋友！
因为个蘑菇好厚身而且好有味，同黑松露同埋芝士嘅配搭都恰到好处，食落好有层次感！同埋配汉堡嘅蕃薯条都炸得好香脆，但又唔会太油，食得健康啲之余又可以享受美味，摆脱咗我对「食斋就一定好寡」嘅固有印象。
简单嚟讲净系呢个汉堡都足以令我回头十次返嚟食，因为真系好好味！色香味俱全𠮶种好味！
不可能汉堡
20 浏览
0 赞好
0 留言
朋友叫咗呢个不可能汉堡，入面嘅肉唔系真肉！不过我朋友话佢食落口感同味道都同一般汉堡扒无异，食落觉得好香口，想食下burger嘅veggie不妨嚟试！
顺带一提，两个餐都配咗冻伯爵茶，饮落觉得好开胃，配burger啱啱好！成餐食得好饱好满足但又唔会觉得好油腻好有罪恶感，一定会再食，继续支持呢啲本土小店！
张贴
