影片
开饭介绍
装修走日系简约风。提供和洋定食，烹调方式从简。部分蛋奶素菜式更可转为全素 。另外主打Impossible™ Meat植物牛肉汉堡包，店铺希望未曾或较少接触素食的人也可一尝素食滋味。
继续阅读
附加资料
午市只接受walk in， 晚市建議訂枱
营业时间
今日营业
12:00 - 22:00
星期一至日
12:00 - 22:00
*Last Call at 9pm
以上资料只供参考，请与餐厅确认详情
相关文章
有一排冇食素食，喺香港嘅素食餐廳嚟講，素年算得上數一數二，今次約咗朋友走咗去素年嘅餐廳度食飯，順手吹下水素年經典不可能芝士漢堡 $138芝士漢堡用咗不可能肉、洋蔥、生菜、純素芝士，配菜就有番薯條，不過番薯條可以轉沙律，而飲品就係京都宇治玄米茶。素年嘅素芝士漢堡令人驚奇，質感整到好似真正嘅漢堡扒咁，而且漢堡入面嘅芝士同埋蛋黃醬都不含蛋奶，蛋黃醬使用天然材料製作比如初榨橄欖油、蘋果醋以及豆奶等，口感豐富，而配菜沙律入口清爽，份量使人滿足非常十九純素藍莓鬆餅全日早餐 $138全日早餐配料豐盛，包括有沙律菜、車厘茄、藍莓、牛油果、甘筍、大啡菇、蘿蔔、紫薯、青瓜、生菜、火箭菜等等，當中有兩樣配料幾特別，早餐入面嘅炒蛋原來係黃薑豆腐製成，而旋風薯片食落去就有啲似扭扭薯條，當然唔少得藍莓鬆餅，食落鬆化美味番薯條配自家製黑松露蛋黃醬 $68一向都鍾意食蕃薯，小食就叫咗番薯條，番薯條份量都唔少，表面灑咗啲偽芝士粉，味道淡淡地，自家製黑松露蛋黃醬畀得好足，有明顯嘅黑松露香，食落好惹味純素黑芝麻芝士蛋糕 $58食完飯點少得甜品呢！叫咗個黑芝麻芝士蛋糕，表面係黑芝麻碎碎，中間同樣係用黑芝麻製成，底下就係餅底，成個蛋糕有濃厚嘅黑芝麻香味，食落唔會好甜，感覺輕盈
继续阅读
今晚約了朋友出深水埗商埸行下，行到差不多時間，我們就去吃晚餐，之前經過見這間餐廳名同裝修西式些吃素食的，好想入去吃，今晚入了去，環境有舒適寧靜感，看了餐牌叫了跟餐飲品-斯里蘭卡伯爵茶 (凍) 特別濃郁甘香甜茶味，好有身心舒緩感，甜度剛好熱帶雨林 濃清新甜香果味，適中甜度平日優惠套餐-素年經典不可能肉醬意粉 大碟，滿肉醬舖在意粉上，一啖入口幼滑粉身，雖然是素的肉醬同肉碎，能保留到同不是素的一樣濃鮮番茄香味自肉碎香味，另一番口味感超級維他命C奇異果野莓沙律 少有，主打以維他命C的沙律，一樣擺放不同款式菜，比較不同的，特別擺了許多不同野莓果粒，奇異果切了片片，捲成了花的型狀，奇異果好滑身，好鮮奇異果香味，野莓細細粒，爽口，香鮮莓甜味，好新鮮翠綠鮮菜味炸魷魚圈配香辣甜酸醬 咬一啖比平時不會覺得油，仍能炸得脆口，魷魚身彈牙軟滑，濃鮮魷魚香味，再配點這個醬，魷魚多了一份香辣味同酸甜味，更有味道感任選跟餐甜品-純素特濃朱古力蛋糕 平時吃有時覺得太甜，這冇甚麼甜味的，你不會覺得好淡口，仍有平時濃郁朱古力香味，軟身滑口任選跟餐甜品-純素伯爵茶芝士蛋糕配糖漬蘋果 少有，伯爵茶配芝士加蘋果，平時多數吃好甜的，這個冇甚麼甜味的，不會覺得好清淡，仍有平時特濃伯爵茶香味同芝士香味，中間放了蘋果粒，蘋果味好鮮甜，獨特搭配味道
继续阅读
最近依幾年都好講求健康💪🏽偶然食吓素食都係一個唔錯嘅選擇！對我嚟講，素食大多數只係局限於中餐比較多？然而最近發現咗一間素西餐廳好吸引，對我嚟講係充滿創意！而且展現了廚師的用心，令我對素食料理的印象大大改觀👍🏽-泰式春卷配甜酸醬🥠春卷的外皮酥脆，內餡則是新鮮的蔬菜，口感清新👍🏽 搭配的甜酸醬味道平衡-雙層芫荽不可能芝士漢堡🍔對於我依個芫荽控嚟講，漢堡嚟嘅時候勁開心🤣漢堡以不可能肉嚟做主角，認真你唔講嘅話佢嘅厚度加埋佢個樣完全唔似素食！仲要食落去真係有啲牛味同豬味😂伴碟佢用咗番薯薯條🍟炸得啱啱好好脆身-十一種蔬菜魷魚圈青醬意大利飯🍚十一種蔬菜的搭配不僅提供了豐富的纖維，還增添了不同的口感！再加埋成碟嘢都係綠色，好有健康嘅感覺！而且上面仲有魷魚圈～真心味道做得勁似！冇估錯嘅話應該係蒟蒻？-純素特濃朱古力蛋糕🍰底層蛋糕似係蒸蛋糕，朱古力味濃烈🍫，完全不輸於傳統的蛋糕！！-斯里蘭卡伯爵茶☕️凍茶清爽可口，帶有淡淡的香橙味，頗具清新的口感-免疫力增強特飲🥤這款特飲以香蕉、火龍果和燕麥奶為基底，口感滑順，又健康又美味😋
继续阅读
欣賞餐廳支持香港本地農夫嘅理念菜式設計有創意原來食素都有好多選擇!✨炸魷魚圈加秘製香辣甜酸醬🤍推薦!! 有驚喜!!外層金黃脆卜卜內裏真係有彈牙口感🤤原來係蒟蒻製成，蘸上醬汁好惹味!!✨香芋番薯波波 $58🤍推薦!! 炸物出色!! 份量多!!每粒波波都係實心，滿滿餡料香芋同番薯甜味突出飽肚感max，要多人分享✨唐掦猴頭菇純素忌廉菠菜扁意粉 $128(免費配斯里蘭卡伯爵茶)份量十足每條扁意粉都掛滿醬汁醬汁係濃郁嘅蔬菜風味翠玉瓜同菇菇配料有煎香同調味～✨11種蔬菜魷魚圈青醬意大利飯 $128 (免費配斯里蘭卡伯爵茶)青醬味道唔會好厚重意大利飯煮得恰好，偏硬身健康又有營養嘅一道菜式！
继续阅读
早排要幫媽媽買餸，行到肉檔本身想買舊肉煲湯，但突然之間見到街市豬肉檔掛滿一舊舊有點反胃就走人，然後幾日都唔太想食肉，於是就四圍搵素食餐廳，食過幾間後都係發最愛還是素年。餐廳原來會定時定候更換餐廳上嘅菜式，今次選擇咗兩個主菜&一沙律，另加兩個飲品，包括：超級維他命C奇異果野莓沙律照燒汁南瓜可樂餅竹炭漢堡唐揚猴頭菇純素忌廉菠菜扁意粉紅棗桂圓杞子玫瑰花茶生薑紅棗桂圓柚子紫蘇茶照燒汁南瓜可樂餅竹炭漢堡內配有芥末醬，而南瓜可樂餅有香甜南瓜味，而竹炭麵包好鬆軟。超級維他命C奇異果野莓沙律睇餐牌時已經好靚，實物嚟一樣咁好睇，唔單止好睇，仲好好味。沙律放棄使出傳統沙律醬，改用芒果汁酸酸甜甜，而士多啤梨、藍莓都好甜。唐揚猴頭菇純素忌廉菠菜扁意粉上嘅猴頭菇，口感真係好似食緊肉，如果呢個猴頭菇有出小食就更加開心。紅棗桂圓杞子玫瑰花茶超濃玫瑰香味，而生薑紅棗桂圓柚子紫蘇茶好適合冬天飲，飲完成個人暖笠笠，而紫蘇葉除咗香味特別之餘仲可以驅寒，絕對啱哂怕凍嘅人。好開心香港仲有一間咁用心製作食品嘅餐廳。
继续阅读