利口福快餐店

营业中

休息中

收藏咗呢间士多好耐，但因为离屋企都有一段距离，所以一直冇特登出去试，𠮶日去一间Cafe途中竟然经过呢间士多，即刻谂都冇谂就坐低试一试佢。喺芝士流心猪扒包同沙嗲牛肉西多士之间挣扎咗好耐，最尾都系拣咗后者。即叫即整，上到枱热辣辣，包煎炸得香脆，上面淋满糖浆同牛油，非常邪恶。切开里面有唔少沙嗲牛肉，但沙嗲牛肉方面我就觉得略为多咗啲筋，味道一般。整体好食嘅，如果再下次我谂我会斋叫西多士或者试吓佢个芝士留心猪扒包。顺便一提，老板娘人几好，有问我味道如何闲聊两句，所以先令人特别钟情呢啲小店。