影片
更多
2024-06-17
72 浏览
今次有朋友带路，去咗旺角嘅女仆Cafe。平时好少嚟，估唔到体验都几好㖞！一入到嚟就有女仆同我哋打招呼，仲会细心介绍餐厅嘅食物。佢哋会同顾客倾偈，如果你买表演券仲会有跳舞唱歌表演。今次同场有其他人课金，所以免费都睇到唔少表演㗎！佢哋跳得好落力，出力到个台震吓震吓，不过好安全的大家放心！虽然主打女仆，但系食物都有好多种类嘅选择㗎。我哋叫咗两个套餐，有沙律小食x2主食同埋饮品，分别系$168同$188都几抵食。一开始嘅沙律有蕃茄仔同埋柚子酸汁，好开胃。小食我哋试咗花枝丸、虾饼、盐酥鸡同炸鱼。花枝丸就炸得好香口，盐酥鸡翼好脆，虾饼就够弹牙爽口。炸鱼好大份，女仆极力推介，多到食唔晒，有啲柠檬味几特别，洗得干净食得安心。主食方面第一个叫咗柠檬大虾意粉，个汁酸酸甜甜，平时好少食到呢只味，朋友中意到连小食都点呢个汁，佢仲讲笑话想舐晒佢。意粉偏硬身啱啱好。仲有几只大虾添，好弹牙！第二个我哋挑战咗冬阴功意大利饭，听个名两样嘢大缆都扯唔埋好似好伏咁，最后竟然食晒！啲饭粒粒粒分明，够晒有意式风味；个汁咸咸辣辣，真系同冬阴功一样，好有泰国风味。不过要注意嘅就系佢比较辣，食唔到辣就唔好挑战啦，会胃痛㗎。饮品朋友叫
一开始嘅沙律有蕃茄仔同埋柚子酸汁，好开胃。小食我哋试咗花枝丸、虾饼、盐酥鸡同炸鱼。花枝丸就炸得好香口，盐酥鸡翼好脆，虾饼就够弹牙爽口。炸鱼好大份，女仆极力推介，多到食唔晒，有啲柠檬味几特别，洗得干净食得安心。
主食方面第一个叫咗柠檬大虾意粉，个汁酸酸甜甜，平时好少食到呢只味，朋友中意到连小食都点呢个汁，佢仲讲笑话想舐晒佢。意粉偏硬身啱啱好。仲有几只大虾添，好弹牙！第二个我哋挑战咗冬阴功意大利饭，听个名两样嘢大缆都扯唔埋好似好伏咁，最后竟然食晒！啲饭粒粒粒分明，够晒有意式风味；个汁咸咸辣辣，真系同冬阴功一样，好有泰国风味。不过要注意嘅就系佢比较辣，食唔到辣就唔好挑战啦，会胃痛㗎。
饮品朋友叫咗朱古力，好多泡够滑唔会太甜，而我叫嘅芒果乳酸就几开胃解腻。
今次嘅体验唔错，下次有机会再嚟，或者试下其他女仆Cafe。
张贴
