新容記小菜王 (已搬遷) 新店位置

容记小菜王近年开咗好多间分店, 新定旧我都唔知有咩分别亦唔识得分, 深水埗呢间容记n年前已经开始食, 佢哋以前烧肉好出名, 皮脆肉嫰, 不过近年已经觉得唔好食, 已很少来, 今日之所以嚟系因为跟一班朋友活动完毕找食, 其中一位朋友嚟呢度食开, 又可以代客加工海鲜, 所以去街市买完海鲜便过嚟加工开餐。14:00 烧肉还未有得供应, 试唔到佢哋而家嘅水准有点可惜。卤水鹅掌翼卤得几入味， 略嫌卤水汁唔够香及有点咸。容记小炒王味道还可以 ， 可惜配料单薄咗啲， 只有鱿鱼及虾干, 唔够惹味。可乐鸭可乐鸡翼食得多， 可乐鸭还是第一次， 味道不错， 鸭卤得好入味，鸭肉滑口， 香香甜甜， 最紧要系肥膏不多， 食多两嚿都唔会有罪恶感, 好食。口水鸡唔够麻唔够美, 辣度也欠了少少。以下海鲜系街市买来加工， 今日啲海鲜有少少失望， 一嚟深水埗街市啲海鲜始终冇大埔街市质素咁靓， 二来呢度嘅师父加工功力争少少， 但整体味道及火候控制都可以， 只系冇大埔另一间食店煮得咁好食, 同加工费一啲都唔平。