影片
更多
2017-03-13
693 浏览
可能大家见到个标题会觉得我九唔搭八，其实系前排经历过一段好唔开心嘅日子，系时候又要重新振作。呢段日子去咗好多唔同嘅地方，试咗好多唔同嘅新嘢，但系因为心情太差，所以错过咗好多，好多都冇记录低。今日开始想记录低自己食过啲咩，好想以后每一份食评都分享下自己生活嘅事，当然冇可能一日三餐都出街食，更加冇可能一日打三份食评，一个礼拜廿一份。见到唔同人打食评都有唔同嘅风格，经常都会谂点样先可以有多啲人睇，唔系博出位，亦都唔期望会有好多人分享出去，只系想推介自己觉得好食嘅嘢俾其他人。我中文唔算太劲，词汇唔及人哋丰富，但系又未至于净系识话人哋好好味，或者好难食，总之我有咩感觉都会好直接咁样讲晒出嚟。打咗无人睇嘅话，就当写日记吧！由今日起，我要改变自己嘅风格，写低独一无二嘅感觉。今日去咗深水埗，第一次试呢个老鼠粉，呢间系一间马来西亚嘅店舖，主要以外卖为主，铺头嘅侧边有一条小巷，小巷有几个位比客人坐，环境虽然唔吸引，但系胜在呢间铺头嘅食物名字几有创意，令我留低嘅深刻嘅印象。由于我系独行侠，今次只系试咗招牌老鼠粉标准嘅size($25)呢个份量对于女仔嚟讲应该啱啱好，所谓嘅老鼠粉即系银针粉，本身银针粉都有油，
今日开始想记录低自己食过啲咩，好想以后每一份食评都分享下自己生活嘅事，当然冇可能一日三餐都出街食，更加冇可能一日打三份食评，一个礼拜廿一份。
见到唔同人打食评都有唔同嘅风格，经常都会谂点样先可以有多啲人睇，唔系博出位，亦都唔期望会有好多人分享出去，只系想推介自己觉得好食嘅嘢俾其他人。我中文唔算太劲，词汇唔及人哋丰富，但系又未至于净系识话人哋好好味，或者好难食，总之我有咩感觉都会好直接咁样讲晒出嚟。
打咗无人睇嘅话，就当写日记吧！由今日起，我要改变自己嘅风格，写低独一无二嘅感觉。
今日去咗深水埗，第一次试呢个老鼠粉，呢间系一间马来西亚嘅店舖，主要以外卖为主，铺头嘅侧边有一条小巷，小巷有几个位比客人坐，环境虽然唔吸引，但系胜在呢间铺头嘅食物名字几有创意，令我留低嘅深刻嘅印象。
由于我系独行侠，今次只系试咗招牌老鼠粉标准嘅size($25)
呢个份量对于女仔嚟讲应该啱啱好，所谓嘅老鼠粉即系银针粉，本身银针粉都有油，所以食完会有少少油腻嘅感觉，加上招牌老鼠粉嘅配料有猪肉肠，猪肉碎，小小葱花，仲有甜豉油。食完就唔会有饿嘅感觉了。猪肉肠有少少似润肠嘅感觉，肥膏都比较多，减肥人士就唔应该去食啦，睇佢个样好似会好咸，但系捞匀左之后又唔多觉㖞，另外甜豉油令到老鼠粉嘅味道百感交集，甜得来又咸，咸得来又甜，有种莫名其妙嘅夹。如果你唔明我讲咩嘅话，就亲自去感受一下啦。
由于呢个系标准size ,所以个碗有少少细，捞匀佢嘅时候有少少困难，捞捞下有几条粉跌咗出嚟
食呢个嘅时候记住要带纸巾呀，因为捞完你只手已经好油系咪睇落觉得好油呢？话你知一样野就系你会觉得越食越油，但系今次无叫嘢饮，原因系嚟得深水埗区，当然想食平啲啲，如果叫埋嘢饮就一定要三四十蚊，咁重点食平啲啲呢？
食咗九成左右就开始觉得有啲济了，个底剩返好多肉碎，仲有几啖汁，最后𠮶几啖因为太多肉碎啦所以越食越咸仲有啊！今次去到见到隔离个师奶左盒饭好香，好吸引架，虽然吾知系咩嚟不过见到又有少少肉碎，佢叫多汁的原有真系比多汁佢㖞，等我下次试吓先。
＄25来讲能够喂饱我，令我非常之满足
我谂嚟紧呢一两星期依然会留喺深水埗周围揾嘢食，尤其想储钱嘅时候，一个礼拜来三四次揾平嘢食都唔错
张贴
