影片
更多
2019-12-24
215 浏览
朋友两个人即兴想打边炉，谂起呢间新开嘅台式火锅，打电话上去book枱不过冇人听。到7:00 walk in试吓睇下有冇位啦，佢嘅位置喺商场零零舍舍一个角落头，都有啲难揾，要问人先去到。门口嘅装修几靓，仲有几张枱俾你等位嘅时候坐，但里面地方唔大，好彩我哋有最后一张二人枱就唔使等。我哋就坐正门口嘅枱，算系阔落，张枱仲可以叉电。酱料区有埋前菜，水果同白饭任攞，但其实系好似饮茶咁收咗茶钱店员例行介绍哂啲茶啊酱料区啊之后呢就正式开波。先拣汤底，唔食辣嘅两个人拣咗花胶鲍鱼鸡汤所谓花胶原来系猪皮？捞匀全煲捞到四粒波子咁大粒鲍鱼，鸡同菇就好多。试饮过汤，杰挞挞，胡椒味好重，好似食紧碗仔翅一样。食物嘅选择就一般般，普通打边炉嘅配料，冇咩特别嘅食材。我哋两个都唔系大食嘅人，叫咗几样嘢样样试下。牛肉分几个等级，叫咗最平98蚊嘅肥牛，一碟羊，一个细蔬菜拼盘，同一个打卡用嘅棒棒糖，其实系鱼蛋。份量算系有良心，两个人食到颈饱，味道就不过不失啦，食落无乜特别咁啰。呢度仲有卖珍珠奶茶，超大杯，不过味道都系无乜特别，三十几蚊都抵饮嘅。有细细杯沙冰同甜品送，仲有一人一盒鸭血比你外卖带走添。埋单七百几蚊。呢间火锅试过之后，
我哋就坐正门口嘅枱，算系阔落，张枱仲可以叉电。酱料区有埋前菜，水果同白饭任攞，但其实系好似饮茶咁收咗茶钱
店员例行介绍哂啲茶啊酱料区啊之后呢就正式开波。先拣汤底，唔食辣嘅两个人拣咗花胶鲍鱼鸡汤
所谓花胶原来系猪皮？捞匀全煲捞到四粒波子咁大粒鲍鱼，鸡同菇就好多。试饮过汤，杰挞挞，胡椒味好重，好似食紧碗仔翅一样。
食物嘅选择就一般般，普通打边炉嘅配料，冇咩特别嘅食材。我哋两个都唔系大食嘅人，叫咗几样嘢样样试下。牛肉分几个等级，叫咗最平98蚊嘅肥牛，一碟羊，一个细蔬菜拼盘，同一个打卡用嘅棒棒糖，其实系鱼蛋。
份量算系有良心，两个人食到颈饱，味道就不过不失啦，食落无乜特别咁啰。
呢度仲有卖珍珠奶茶，超大杯，不过味道都系无乜特别，三十几蚊都抵饮嘅。
有细细杯沙冰同甜品送，仲有一人一盒鸭血比你外卖带走添。埋单七百几蚊。
呢间火锅试过之后，觉得平平无奇，环境几好，食物方面但完全揾唔到一个特别嘅点，要好食去养心殿，要服务去海底捞，要打咭去火锅撚，要抵食好多都抵食过佢，谂唔到理由要再帮衬。
张贴
