百份百餐廳 (元州街) (已結業)

新年喺长沙湾拜完年，一家大细谂住去食下午茶，本身想饮茶嘅，但系新年嘅时候去饮茶一定好贵！所以拣咗去百分百餐厅食下午茶。我哋一行九人等左大约15分钟就可以俾我哋一齐坐！啲职员帮我地掉位先可以一齐坐，真系好感谢佢哋嘅付出！我哋每人都嗌左唔同嘅嘢食，我哋就拣咗猪扒配米线，估唔到佢仲有一个荷包蛋同埋一块多士，真系多到食唔晒！其实食物质素都唔错，块猪扒都几淋，小朋友都食得好开心！个荷包蛋好好食，入口即溶，抵赞！多士烧到啱啱好，加埋牛油汁好滑喇！嘢饮方面叫咗奶茶，奶同茶嘅比例非常之好，饮落去好滑！所以我都几推荐大家嚟呢度食下午茶，虽然价钱有少少贵，但系份量好大，细食几可以两个人一齐share ！