影片
更多
2019-02-22
124 浏览
挑选尖沙咀日式餐厅，食物质素同环境都要上乘的话，呢间餐厅都系唔错嘅选择。服务非常有礼，餐厅坐位宽阔，而餐牌选择亦够多，我地分别挑选一个定食品尝。而正餐之前，先有带子刺身沙津，带子份量够多、亦够厚身，浓郁鲜味配以微咸嘅蟹籽，口感层次非常丰富，加上清新嘅沙津菜，喺餐前进食可以帮助调整胃口同味蕾。定食跟餐嘅刺身三点，卖相已经够晒吸引，厚切三文鱼腩入口鱼油味道非常香浓，而大虾质素新鲜非常，鲜膏满满，钟意食刺身嘅朋友一定非常满足。而食任何炸物之前，都有新鲜芝麻提供，即场磨碎、散发无比香气。定食一人前有吉列猪扒、带子、蚝、大虾，款款炸物都新鲜即炸，上枱时香喷喷。吉列带子份量丰厚，肉身白晰有弹性、蚝只亦鲜味浓郁，炸到仅仅熟，质感最好。滑蛋吉列猪扒饭，呢度最有名嘅炸猪扒当然留系呢度介绍。猪扒厚身就当然啦，炸浆薄薄所以炸得香脆之余，仲有脆身口感。而猪扒肉味丰富，选料绝对上乘。加上滑蛋嘅点缀，即使食多几件，都唔会感觉到油腻。最后以呢两道甜品作结，荔枝雪葩配白酒啫喱、樱花雪糕伴菓子卖相极为精致，甚有日式风情。前者味道清新，白酒啫喱带有微微酒香味，感觉非常特别; 而樱花雪糕甜味适中，加上花香嘅味道，相当好多女
服务非常有礼，餐厅坐位宽阔，而餐牌选择亦够多，我地分别挑选一个定食品尝。而正餐之前，先有带子刺身沙津，带子份量够多、亦够厚身，浓郁鲜味配以微咸嘅蟹籽，口感层次非常丰富，加上清新嘅沙津菜，喺餐前进食可以帮助调整胃口同味蕾。
定食跟餐嘅刺身三点，卖相已经够晒吸引，厚切三文鱼腩入口鱼油味道非常香浓，而大虾质素新鲜非常，鲜膏满满，钟意食刺身嘅朋友一定非常满足。
而食任何炸物之前，都有新鲜芝麻提供，即场磨碎、散发无比香气。定食一人前有吉列猪扒、带子、蚝、大虾，款款炸物都新鲜即炸，上枱时香喷喷。吉列带子份量丰厚，肉身白晰有弹性、蚝只亦鲜味浓郁，炸到仅仅熟，质感最好。
滑蛋吉列猪扒饭，呢度最有名嘅炸猪扒当然留系呢度介绍。猪扒厚身就当然啦，炸浆薄薄所以炸得香脆之余，仲有脆身口感。而猪扒肉味丰富，选料绝对上乘。加上滑蛋嘅点缀，即使食多几件，都唔会感觉到油腻。
最后以呢两道甜品作结，荔枝雪葩配白酒啫喱、樱花雪糕伴菓子卖相极为精致，甚有日式风情。前者味道清新，白酒啫喱带有微微酒香味，感觉非常特别; 而樱花雪糕甜味适中，加上花香嘅味道，相当好多女仔都会中意。
张贴
