Outback Steakhouse (東薈城名店倉)

营业中

休息中

同屋企人出去食饭，东荟城间outback新开咗咁耐都未去试过，所以就去试下。我地食夜晚7点左右，个时个场都唔系好多人。我地叫咗2个2人餐同一份肉眼扒食同一份小食炸蘑菇。2人餐叫咗猪肋骨拼春鸡同猪战斧扒。猪肋骨同春鸡都有啲鞋同干，但个味系唔错嘅。猪战斧扒都系有少少鞋，但整体都系唔差，等别系佢底下个饭好好食。至于牛就一定系最好味，色味香都齐，连个焗甜薯都正到飞起。另外2人餐入面跟嘅意粉同饭，个人觉得饭好食好多。同埋个餐汤小食都好正，可以再食。用hsbc credit card有 promotion，2人餐会平大概100-300左右（睇食咩餐），5个人食咗1400左右，食到好饱都抵食。