竹 (已結業)

又到新一年公司就安排大家一齐去呢间日本料理店一齐聚聚食Lunch，当中呢间餐厅嘅水准真系唔错，同同事食完之后个个都觉得正呀！餐厅环境非常有日本味道，特别用咗好多竹作为主要元素，优雅之余带出日本传统特色。其实佢嘅午餐种类相当多，而我今日就点了寿司拼盘(十件)，当中包括有前菜、沙律、蒸蛋、味噌汤、甜品相当丰富。先来蟹肉南瓜蒸蛋，卖相已经好吸引，蒸蛋有浓郁嘅南瓜甜香，味道清新。沙律菜用了番茄酸汁相当醒胃。食完之后真系想快啲食寿司😆蒸蛋火候刚好，每一啖都食到蒸蛋相当滑溜，而且表面仲有蟹肉增加鲜味。主角终于嚟啦，呢个寿司拼盘相当精美，而且仲可以见到师傅即制嘅过程真系赏心悦目。寿司整体相当新鲜且质素亦都唔错，特别佢嘅带子寿司相当鲜甜，过人亦好钟意佢嘅拖罗溶喺口嘅感觉相当满足。最后食埋甜品真系非常满足，整体味道亦非常唔错。