PizzaExpress (高安閣) (已結業)

临近新年食团年饭但又唔想自己煮，咁岩见到PizzaExpress最近出咗新年精选套餐，所以就去叫咗个四人套餐外卖拎返屋企食。烤蜜桃油封鸭腿油封鸭腿大大只好吸睛，而且腌得又好食，红酒油醋汁同烤蜜桃、牛油果、红洋葱、合桃、沙律菜等等味道好match，酸酸甜甜，清新开胃。南瓜花西班牙肠桂花薄饼听到个名都觉得好特别，食落更加有惊喜! Pizza上面放咗南瓜花，而南瓜花入面酿咗南瓜蓉，甜甜地几好味。忌廉XO酱虾肉粗管通粉呢个fusion菜系XO 酱配芹菜的粗管通粉，加埋虾肉、少许忌廉、红洋葱、青辣椒一齐炒，令到每条粗管通粉都好够味，虾肉亦都好爽口弹牙。意式青口海鲜汤蕃茄海鲜酱味道浓郁，而且有好多青口，只只都胀卜卜，仲有少少蒜蓉和新鲜罗勒嘅味道，配埋芝士脆包蘸汤食好正!烤焗鸡翼小朋友至爱小食，鸡翼唔油腻，仲可以蘸蜜糖芥末酱一齐食。焗面包球配朱古力榛子酱平时堂食都成日散叫，好钟意佢个焗面包球烟烟韧韧，蘸埋Nutella一齐食即刻变甜品。