金泰屋

营业中

休息中

同同学去东涌踩完单车后, 闻到附近餐厅香气, 反正没有目标, 决定睇睇呢间餐厅试下。因为同行得2个人, 所以较易有位, 听到附近入座既人都系预先订左位。坐低叫𩠌, 分别叫左炒通菜, 泰式生虾同埋海南鸡半只。期间服务生提供左暖水俾我地, 饮既时候发现有暖暖既椰子味, 挺特别。头盘出现既系生虾, 点既酱酸酸地好开胃, 食完虾见仲有炸虾头食, 虾头可以伴饭。之后上既系海南鸡饭, 鸡肉唔冻冇雪味, 但鸡皮味道一般, 而如果师傅可以将鸡肉切薄一点, 入口将更佳。泰式炒通菜不过不失, 食落唔会过晒味, $58都觉得算系几抵食总括, 黎到一定要叫个生虾, 食紧果阵都见唔少人叫, 个海南鸡就随自己喜欢, 人少有好多菜都冇试到, 如果有机会会再试下。